માધ્યમનાં અહેવાલ મુજબ, કેનેડાના ક્વિબેકમાં ચાર અઠવાડિયાથી કર્ફ્યુ લાદવામાં આવ્યો છે. આ કર્ફ્યુ ફક્ત રાત્રે જ લાગુ કરવામાં આવી રહ્યો છે, જેના કારણે લોકોને રાત્રિના આઠ વાગ્યાથી સવારે પાંચ વાગ્યા સુધી ઘર બહાર જવા દેવાતા નથી. જો કે, વહીવટીતંત્રએ, આ દરમિયાન લોકોને આવશ્યક ચીજો વહન કરવા અને તેમના પાલતુ કૂતરાને ફેરવવા માંગતા લોકોને ઘર બહાર નિકળવાની મંજૂરી આપી દીધી છે.
કર્ફ્યુમાં ઘરની બહાર નીકળવા માટે એક મહિલાએ તેના પતિના ગળામાં કૂતરાનો કટિબંધ (પટ્ટો) બાંધી અને તેને ફેરવવાની નિકળી પડી હતી. રિપોર્ટમાં સ્થાનિક અખબારના હવાલેથી કહેવામાં આવ્યું છે કે, પોલીસ જ્યારે ત્યાં આવી ત્યારે તે શેરબ્રોકની કિંગ સ્ટ્રીટ ઇસ્ટ તરફ તેના સાથીને(કુતરા સ્વરુપે પતિને) ફેરવી રહી હતી. મહિલાને જ્યારે પોલીસે આ વિશે પૂછ્યું તો તેણે કહ્યું કે તે ‘તેણી તેના કૂતરાની સાથે ફરવા નિકળી છે’. પોલીસ વિભાગના ઇસાબેલ ગેંડ્રોને જણાવ્યું હતું કે, આ દંપતી પોલીસમાં બિલકુલ સહયોગ નથી કરી રહ્યો.
પોલીસે બંને પર કર્ફ્યુના ઉલ્લંઘન માટે ભારે દંડ ફટકાર્યો
પોલીસ દ્વારા જો કે, આ મામલે મહિલા અને તેના સાથીને ભારે દંડ ફટકારવામાં આવ્યો હતો. વહીવટીતંત્રએ જાહેર નોટિસનાં ભંગની નોંધ આપવામાં આવી હતી. બંનેને 2400 ડોલર (આશરે પચીસ લાખ) દંડ ફટકારવામાં આવ્યો હતો. આ રીતે દરેકને $ 1200-1200 નો દંડ કરવામાં આવ્યો છે. આપને જણાવી દઇએ કે, કેનેડામાં થોડા સમય માટે કોરોના વાયરસના કેસોમાં ઝડપથી વધારો થયો છે. દેશમાં રોગચાળાને લીધે અત્યાર સુધીમાં 17,000 લોકોનાં મોત નીપજ્યાં છે. આવી સ્થિતિમાં કર્ફ્યુ તોડનારાઓને ભારે દંડ ફટકારવામાં આવી રહ્યો છે. પહેલા અઠવાડિયામાં પોલીસે 750 લોકોને દંડ ફટકાર્યો છે. આ બધા લોકો નાઈટ કર્ફ્યુનું ઉલ્લંઘન કરી રહ્યા હતા.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
