કોરોના વાયરસને કારણે વર્ષ 2020માં ઘણી ફિલ્મોની રિલીઝ તારીખ પોસ્ટપોન્ડ કરવી પડી. હવે જ્યારે ધીમે ધીમે બધું સામાન્ય થઈ રહ્યું છે ત્યારે ફિલ્મોના રિલીઝ માટેની નવી તારીખો પણ બહાર આવી રહી છે. આ દરમિયાન અમિતાભ બચ્ચનના ચાહકો માટે એક સારા સમાચાર છે. ડાયરેક્ટર મંજુનાથ દ્વારા બનાવવામાં આવેલી ફિલ્મ ‘ઝુંડ’ ટી-સિરીઝને 18 જૂન 2021 ના રોજ થિયેટરોમાં રિલીઝ કરવાનો નિર્ણય લેવામાં આવ્યો છે.
ફિલ્મ ‘ઝુંડ’ નું પોસ્ટર શેર કરતાં ટી-સિરીઝે પ્રેક્ષકોને માહિતી આપી છે કે ફિલ્મની સ્ટારકાસ્ટ 18 જૂનના દિવસે દર્શકોને મળવા આવશે. ફિલ્મમાં અમિતાભ બચ્ચન એક પ્રોફેસરની ભૂમિકા નિભાવી રહ્યા છે, જે ગલીઓમાં રમતા બાળકોને ફૂટબોલ ટીમ બનાવવાની પ્રેરણા આપે છે.
અમિતાભ બચ્ચને ઇન્સ્ટાગ્રામ પર ફિલ્મ ઝુંડની રિલીઝ તારીખની પુષ્ટિ કરી છે. ફિલ્મનું પોસ્ટર શેર કરતાં તેણે કેપ્શનમાં લખ્યું કે, “કોવિડે પાછળ ધકેલી દીધુ, પરંતુ હવે પાછા ફરવાનો વારો આવ્યો છે.” ઝુંડ 18 જૂન, 2021 ના રોજ થિયેટરોમાં રિલીઝ થઈ રહી છે. “નિર્માતાઓએ ફિલ્મનું ટીઝર રજૂ કર્યુ હતુ, જેમાં અમિતાભ બચ્ચન કહે છે,” ઝુંડ નહીં કહો સર, ટીમ કહો ટીમ ”
View this post on Instagram
તમને જણાવી દઈએ કે વર્ષ 2016માં એક મરાઠી ફિલ્મ આવી હતી, તેનું નામ હતું ‘સૈરાટ’ અને તે પહેલી મરાઠી ફિલ્મ હતી, જેણે બોક્સ ઓફિસ પર 100 કરોડથી વધુનો નફો કર્યો હતો. ‘સૈરાટ’ ના ડિરેક્ટર નાગરાજ મંજુલે જ હવે ‘ઝુંડ’ ફિલ્મ બનાવી રહ્યા છે. ગયા વર્ષે આ ફિલ્મનું પોસ્ટર બહાર પાડવામાં આવ્યું હતું, જેમાં અમિતાભ બેક પોઝમાં ઉભા રહીને સ્લમ એરિયામાં ફૂટબોલને જોતા નજરે પડે છે.
ફિલ્મમાં તેમના પાત્રનું નામ વિજય બરસે હશે. ફિલ્મની કહાની’સ્લમ સોકર’ એનજીઓ ચલાવતા સામાજિક કાર્યકર વિકાસ બરસેના જીવન પર આધારિત છે.
