BAN vs ENG: ઢાકાના શેર-એ-બાંગ્લા નેશનલ સ્ટેડિયમમાં ઇંગ્લેન્ડ અને બાંગ્લાદેશ વચ્ચે રમાયેલી ત્રણ મેચની T20 શ્રેણીની છેલ્લી મેચમાં બાંગ્લાદેશની ટીમે 16 રને જીત મેળવી હતી. આ મેચ સાથે બાંગ્લાદેશ ક્રિકેટ ટીમે ઈતિહાસ રચ્યો હતો.તેણે ટી20 ઈન્ટરનેશનલ સિરીઝમાં ઈંગ્લેન્ડને 3-0થી ક્લીન સ્વીપ કર્યું હતું. ત્રીજી મેચમાં ટોસ જીત્યા બાદ ઈંગ્લેન્ડ ટીમના કેપ્ટન જોસ બટલરે પ્રથમ બોલિંગ કરવાનો નિર્ણય કર્યો હતો. પ્રથમ બેટિંગ કરતા બાંગ્લાદેશની ટીમે નિર્ધારિત 20 ઓવરમાં 2 વિકેટ ગુમાવીને 158 રન બનાવ્યા હતા. જવાબમાં ઇંગ્લિશ ટીમ 20 ઓવરમાં 6 વિકેટ ગુમાવીને 142 રન જ બનાવી શકી હતી.
બાંગ્લાદેશની (BAN vs ENG) ટીમે ઇંગ્લેન્ડ સામેની પ્રથમ T20 મેચ 6 વિકેટે જીતી હતી, બીજી મેચ 4 વિકેટે જીતી હતી. જ્યારે 14 માર્ચે રમાયેલી ત્રીજી અને નિર્ણાયક મેચમાં બાંગ્લાદેશની ટીમે ઈંગ્લેન્ડને 16 રનથી હરાવીને શ્રેણી 3-0થી કબજે કરી હતી.ત્રીજી T20 મેચમાં પ્રથમ બેટિંગ કરતા બાંગ્લાદેશની ટીમે 20 ઓવરમાં 2 વિકેટ ગુમાવીને 158 રન બનાવ્યા હતા. બાંગ્લાદેશ ટીમ તરફથી ઓપનર લિટન દાસે સૌથી વધુ રન બનાવ્યા હતા. તેણે 57 બોલનો સામનો કરીને 10 ચોગ્ગા અને એક છગ્ગાની મદદથી 73 રનની અડધી સદીની ઇનિંગ રમી હતી.
તેના સિવાય( નજમુલ હુસૈન શાંતોએ 36 બોલમાં એક ચોગ્ગા અને બે છગ્ગાની મદદથી અણનમ 47 રન બનાવ્યા હતા. તે જ સમયે, કેપ્ટન શાકિબ અલ હસન 6 બોલમાં 4 રન બનાવીને અણનમ રહ્યો હતો. ટીમે 20 ઓવરમાં 2 વિકેટ ગુમાવીને 158 રન બનાવ્યા હતા.આ પછી ટાર્ગેટનો પીછો કરવા ઉતરેલી ઈંગ્લેન્ડની ટીમ 20 ઓવરમાં 6 વિકેટના નુકસાને 142 રન બનાવીને ઠલવાઈ ગઈ હતી. ટીમ તરફથી સૌથી વધુ રન ડેવિડ મલનના બેટમાંથી આવ્યા હતા. તેણે 47 બોલમાં 6 ચોગ્ગા અને 2 છગ્ગાની મદદથી 53 રનની અડધી સદીની ઇનિંગ રમી હતી. તેના સિવાય કેપ્ટન બટલરે 31 બોલનો સામનો કરીને 40 રનની ઇનિંગ રમી હતી.
બાંગ્લાદેશ તરફથી અહેમદે સૌથી વધુ 2 વિકેટ લીધી હતી. તેમના સિવાય તનવીર ઈસ્લામ, કેપ્ટન શાકિબ અલ હસન અને મુસ્તાફિઝુર રહેમાને એક-એક વિકેટ લીધી હતી.
NEET PG RESULT/ NEET PG 2023નું પરિણામ જાહેર,આ વેબસાઇટ પર રિઝલ્ટ જોઇ શકાશે
Lay Off/ મેટામાં ફરીથી છટણી, 10,000 કર્મચારીઓને હટાવવાની જાહેરાત, ઝકરબર્ગે કહ્યું- બીજો કોઈ રસ્તો નથી
