ઝડપી ઇલેક્ટ્રિક બાઇક : હવે આવનારો યુગ ઇલેક્ટ્રિક વાહનોનો હશે. ઇલેક્ટ્રિક વાહનોને માત્ર ભારતમાં જ નહીં પરંતુ સમગ્ર વિશ્વમાં પ્રોત્સાહન આપવામાં આવી રહ્યું છે. એટલે જ હવે દરેક જરૂરિયાત મુજબ ઇલેક્ટ્રિક વાહનો બનાવવામાં આવી રહ્યા છે. અહીં અમે તમને એક એવી બાઇક વિશે જણાવી રહ્યા છીએ જે આંખના પલકારામાં ગાયબ થઇ જાય છે, તેની કિંમત એટલી બધી છે કે તમે સુપર લક્ઝરી કાર ખરીદી શકો છો. ચાલો જાણીએ …
યુકેની સ્ટાર્ટઅપ કંપની ARC ટૂંક સમયમાં પોતાની નવી ઇલેક્ટ્રિક બાઇક રજૂ કરી શકે છે. આ બાઇક તાજેતરમાં ગુડવુડ ફેસ્ટિવલ ઓફ સ્પીડમાં રજૂ કરવામાં આવી હતી. ARCની આ શક્તિશાળી ઇલેક્ટ્રિક બાઇકનું નામ વેક્ટર છે, સ્રોત મુજબ, કંપની નવા વેક્ટરને આવતા વર્ષે જૂનમાં લોન્ચ કરી શકે છે. જોકે તેની કિંમત વિશે વધારે માહિતી નથી, પરંતુ કેટલાક અહેવાલો અનુસાર, વેક્ટરની કિંમત આશરે 80 લાખ રૂપિયા હોઈ શકે છે.
ઝડપી ઇલેક્ટ્રિક બાઇક: ARC વેક્ટરની ખાસ વાત એ છે કે તે હેન્ડ ક્રાફ્ટેડ બાઇક હશે, તેથી તે માત્ર 399 યુનિટ બનાવશે. બાઇકને એલઇડી હેડલાઇટ, ક્લચલેસ સિંગલ ગિયર ટ્રાન્સમિશન, સલામતી માટે એન્ટી લોક બ્રેકિંગ સિસ્ટમ, ટ્રેક્શન કંટ્રોલ અને વિવિધ રાઇડિંગ મોડ જેવા ઘણા સારા ફીચર્સ મળે છે. ભારતમાં આ બાઇક ક્યારે લોન્ચ થશે તે અંગે કોઇ માહિતી ઉપલબ્ધ નથી.
