નવા ઉજવણીની તૈયારીમાં માન્ચેસ્ટર શહેરમાં એક અજાણ્યા યુવકે ચપ્પુથી વિક્ટોરિયા રેલ્વે સ્ટેશન પર હાજર લોકો પર હુમલો કર્યો હતો. આ હુમલામાં ત્રણ લોકો ગંભીર રીતે ઘાયલ થયા છે.
સ્થાનિક પોલીસના જણાવ્યા પ્રમાણે હુમલો કરનાર વ્યક્તિ અલ્લાહ….અલ્લાહ તેમ બોલતા બોલતા ભીડ પર ચપ્પુથી હુમલો કરી દીધો હતો.
આ હુમલામાં એક મહિલા, પુરુષ અને એક ટ્રાન્સપોર્ટ અધિકારી ઘાયલ થયા છે.
પોલીસે આરોપીની ધરપકડ કરી લીધી છે. પોલીસને આ હુમલાખોરને પકડવા માટે બેહોશીવાળી બંદૂક અને કાળા મરચાના પાઉડરનો સહારો લેવો પડ્યો હતો. આશરે ૬-૭ અધિકારીઓની મહામહેનત બાદ તે પકડાયો હતો.
ઘાયલ થયેલા લોકોને હોસ્પિટલમાં સારવાર અર્થે ખસેડવામાં આવ્યા છે. જેમાં મહિલાને ચહેરા પર, પુરુષને પેટમાં અને ટ્રાન્સપોર્ટ અધિકારીને ખભા પર વાગ્યું છે.
હુમલાની આ ઘટના નવા વર્ષ પહેલાની સાંજની છે. આશરે ૮:૫૦ વાગ્યે લોકો નવા વર્ષનો ઉત્સવ ઉજવવાની તૈયારી કરી રહ્યા હતા.
