બ્રહ્મપુત્રા અંગે ચીને નવો પ્લાન તૈયાર કર્યો છે. ચીની એન્જિનિયરોએ બ્રહ્મપુત્રાનું પાણી ડાયવર્ટ કરવા માટે 1000 કિલોમીટર લાંબી ટનલ બનાવવાની યોજના તૈયાર કરી છે. આ ટનલ દ્વારા બ્રહ્મપુત્રાનું પાણી તિબેટથી જિનજિયાંગની તરફ વાળવાની યોજના છે. જો ચીની એન્જિનિયરોનો આ પ્લાન મંજૂર કરાય છે, તો તેની ભારત અને બાંગ્લાદેશ બંને પર પડશે. એન્જિનિયરોએ પોતાનો પ્લાન માર્ચ, 2017માં ચીની સરકારને સોંપ્યો હતો પરંતુ અત્યાર સુધી સરકાર તરફથી તેને મંજૂરી મળી નથી. આ પ્રોજેક્ટમાં ટનલના એક કિલોમીટરની પર એક અબજ યુઆનનો ખર્ચ આવશે. એટલે સંપૂર્ણ ટનલ બનાવવામાં 1 ટ્રિલિયન યુઆનનો ખર્ચ થશે. નિષ્ણાતોના જણાવ્યા મુજબ 5-10 વર્ષમાં પ્રોજેક્ટ નિર્માણ માટે ટેક્નિક તૈયાર થઇ જશે.