દેશમાં કોરોના વાયરસ મહામારીને કારણે ઘણી ફિલ્મ્સની રિલીઝ ડેટ મોકૂફ રાખવામાં આવી છે. જ્યારે આગામી સમયમાં રિલીઝ થનારી મોટી ફિલ્મોની રીલિઝ ડેટ બદલી દેવામાં આવી છે.અજય દેવગન અભિનીત ફિલ્મ ‘મેદાન’ પણ તેમાંથી એક છે. વર્લ્ડ-ફૂટબોલ પર આધારિત આ ફિલ્મ એક સ્પોર્ટ્સ ડ્રામા છે, આ ફિલ્મમાં આત્મવિશ્વાસ અને પરિવર્તનની સ્ટોરી છે. હવે તે આવતા વર્ષે 13 ઓગસ્ટ 2021 ના રોજ રિલીઝ થશે. અજય દેવગને તેના સોશિયલ મીડિયા એકાઉન્ટ દ્વારા આ વિશે માહિતી આપી છે.
અજય દેવગને સોશિયલ મીડિયા એકાઉન્ટ પર લખ્યું, ‘વર્ષ 2021 સ્વતંત્રતા દિવસ સપ્તાહ. એક અનટોલ્ડ સ્ટોરી જે દરેક ભારતીયને ગૌરવ અપાવશે. 13 ઓગસ્ટ ચિહ્નિત કરો. મેદાન 2021. ‘ આ સાથે અજય દેવગને ફિલ્મનું પોસ્ટર પણ શેર કર્યું છે. આ પોસ્ટમાં, અજય દેવગન હાથમાં ફૂટબોલ લઈને જોવા મળી રહ્યો છે અને બે ફૂટબોલ તેના પગ નીચે છે, જ્યારે તેની ટીમ તેની પાછળ ઉભી જોવા મળી છે.
આ ફિલ્મમાં સઇદ અબ્દુલ રહીમની ભૂમિકા અજય દેવગન છે, જેણે ફૂટબોલને ભારતમાં લોકપ્રિય બનાવ્યો હતો. સઇદ અબ્દુલ રહીમ 1950 થી 1963 દરમિયાન ભારતીય ફૂટબોલ ટીમનો કેપ્ટન હતા અને ભારતમાં ફૂટબોલની હાલની સ્થિતિનો પાયો નાખ્યો હતો.
આ ફિલ્મમાં અજય દેવગન તેમજ પ્રિયામણી, ગજરાજ રાવ અને પ્રખ્યાત બંગાળી અભિનેત્રી રૂદ્રાનીલ ઘોષ, ફિલ્મને અમિત આર. શર્મા ડિરેક્શન કરી રહ્યા છે જ્યારે ઝી સ્ટુડિયો, બોની કપૂર, આકાશ ચાવલા અને અરૂણવા જોય સેનગુપ્તા નિર્માતા છે. ફિલ્મનો સ્ક્રીન પ્લે અને ડાયલોગ શિવિન કુદરણ અને રિતેશ શાહે લખ્યા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.