બોલિવૂડના મહાનાયક અમિતાભ બચ્ચન જે વસ્તુઓ સાથે જોડાઈ છે, એ વસ્તુ ખૂબ જ ખાસ બની જાય છે. ખાસ કરીને, તેમનો અવાજ કોઈપણ ડાયલોગ, જાહેરાત અથવા કોઈપણ સામાજિક સંદેશને ખૂબ અસરકારક અને આકર્ષક બનાવે છે. હવે અમિતાભનો અવાજનો ઉપયોગ લોકોને યોગ્ય દિશા બતાવવા માટે પણ કરવામાં આવી શકે છે.
ગૂગલે કર્યો અમિતાભ બચ્ચનો સંપર્ક
અહેવાલો અનુસાર દિગ્ગજ અભિનેતા અમિતાભનો અવાજનો ઉપયોગ હવે જીપીએસ નેવિગેશન માટે કરી શકાય છે. આ માટે ગૂગલે અમિતાભનો સંપર્ક કર્યો છે. કંપની તેના મેપ એપ્લિકેશન ‘ગૂગલ મેપ્સ’માં અમિતાભના અવાજનો વોઇસ કમાંડ તરીકે ઉપયોગ કરવા માંગે છે.
જો કે, અમિતાભે હજી સુધી કોઈ નિર્ણય લીધો નથી. મળતી માહિતી મુજબ, તેમણે આ કામ માટે ફી તરીકે ગૂગલ પાસે મોટી રકમની માંગ કરી છે.
જો આ માટે અમિતાભ અને ગુગલ વચ્ચે સમજૂતી થઈ છે, તો તેઓ તેમના ઘરેથી અવાજ રેકોર્ડ કરશે જેથી હાલની પરિસ્થિતિમાં સામાજિક અંતર જેવા નિયમોનું પાલન કરવામાં આવી શકે.
ઓસ્ટ્રેલિયન મહિલાનો અવાજ છે ગૂગલ મેપની ઓળખ
અત્યાર સુધી, કેરેન જેકબસનનો અવાજ મુખ્યત્વે વિશ્વભરમાં ગૂગલ મેપ્સ માટે ઉપયોગ કરવામાં આવે છે. યુ.એસ.ની રહેવાસી ઓસ્ટ્રેલિયન મૂળની જેકબસન ગૂગલ મેપ પર એક જાણીતો અવાજ છે. તેનો પોતાનો અવાજ એપ્પલના વોઇસ આસિસ્ટન્ટ સીરી માટે કરવામાં આવ્યો છે.
અમિતાભ પહેલા આમિર ખાને ગૂગલ મેપ માટે પણ પોતાનો અવાજ આપ્યો છે. જો કે, તે આમિરની ફિલ્મ ઠગ્સ ઓફ હિન્દોસ્તાનના પ્રમોશન અભિયાનનો ભાગ હતો. જો અમિતાભ સાથે સર્વસંમતિ થાય તો ટૂંક સમયમાં દેશના શહેરોથી લઈને ગામડાઓ સુધી સૌથી પ્રખ્યાત અવાજ પર ગાડીઓના પૈડાં વળશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને FaceBook, Twitter, Instagram અને YouTubeપર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “Mantavya News” ની નવી મોબાઇલ એપ્લિકેશન….