ચેન્નાઈ,
ઈસરોના જણાવ્યા મુજબ કેટલાક નિષ્ણાંતોએ ચંદ્રાયાન-૨ એપ્રિલમાં નહીં પરંતુ ઓક્ટોબર બાદ લોન્ચ કરાશે. પરીક્ષણને આપેલ સુચનના પગલે આગામી મહિને થનાર ચંદ્રાયાન-૨ના લોન્ચિંગને ઓક્ટોબર સુધી સ્થગિત રાખવામાં આવ્યુ છે.
શરૂઆતમાં, અમે ચંદ્રયાન -2 માટે એપ્રિલના લોન્ચિંગની યોજના બનાવી હતી, પરંતુ કેટલાક દિવસો પહેલાં સમગ્ર દેશમાંના નિષ્ણાતો સાથેની સમીક્ષાની બેઠકમાં નિર્ણય કરવામાં આવ્યો હતો કે આ મિશન શરૂ થાય તે પહેલાં વધુ પરીક્ષણોની જરૂર છે.
Isro defers Chandrayaan-2 launch https://t.co/iDzRPf0kWd pic.twitter.com/BnbR9SPZBt
— Chennai Informer (@chennaiinformer) March 23, 2018
વડાપ્રધાન કાર્યાલયના રાજ્યમંત્રી અને અંતરીક્ષ વિભાગના પ્રભારી જીતેન્દ્રસિંહે ૧૬ ફેબ્રુઆરીના રોજ જણાવ્યુ હતું કે, ઈસરો એપ્રિલ મહિનામાં પ્રથમ વખત ચંદ્રની દક્ષિણ સપાટી પર યાન ઉતારવા માટે ચંદ્રાયાન-૨ લોન્ચ કરશે. જ્યારે ઈસરોના અધ્યક્ષ કે સીવને પણ જણાવ્યુ હતું કે 800 કરોડ રૂપિયાના ખર્ચે તૈયાર કરાયેલ આ મિશનનુ લોન્ચિંગ એપ્રિલ મહિનામાં કરવામાં આવશે. જાકે, હવે આ લોન્ચિંગ ઓક્ટોબર અથવા નવેમ્બરમાં થાય તેવી શક્યતા છે.
#India's second #Moon Mission delayed; @isro defers #Chandrayaan2 launch; the new window is in #October; scientists said more trials required before the payload with a lander and rover touches down on the lunar soilhttps://t.co/y3C8kJuV9d @DeccanHerald
— Kalyan Ray (@kalyanray30) March 23, 2018
ઈસરોના અધ્યક્ષ કે સીવને જણાવ્યુ હતું કે, તાજેતરમાં જ કેટલાક નિષ્ણાંતોએ પરીક્ષણને લઈ મહત્વના સુચન આપ્યા છે. આ સુચનોના અભ્યાસ અને અમલ માટે તમામ લોન્ચિંગ ઓક્ટોબર મહિના સુધી સ્થગિત રાખવામાં આવ્યા છે. જેથી ચંદ્રાયાન-૨ એપ્રિલમાં નહીં પરંતુ ઓક્ટોબર બાદ લોન્ચ કરાશે.
આ યાન લોન્ચિંગમાં થઈ રહેલ વિલંબના કારણે ઈસરોની ચંદ્રને લગતી યોજનાઓમાં પણ વિલંબ થશે. મહત્વનુ છે કે આ પહેલા ઈસરો મંગળયાન લોન્ચ કરી ચુક્યુ છે. જેના થકી મંગળ ગ્રહની સપાટીનો અભ્યાસ પણ કરવામાં આવી રહ્યો છે. ચંદ્રયાન -2 ઓર્બિટર, લેન્ડર અને છ વ્હીલવાળા રોવરનો સમાવેશ થયા છે જે ચંદ્રની માટીનું વિશ્લેષણ કરવા માટે ઉપયોગી હશે. ઈસરોના જણાવ્યા મુજબ ચંદ્રયાન-૨ સંપૂર્ણ રીતે સ્વદેશી ટેકનોલોજીથી તૈયાર કરવામાં આવેલ છે જેનુ કુલ વજન 3290 કિલોગ્રામ છે. તે ચંદ્રની ચારેય બાજુ ભ્રમણ કરીને મહત્વપૂર્ણ માહિતી એકઠી કરી પૃથ્વી પર મોકલશે.
