ચીનમાં કોરોના વાયરસનાં 42 નવા કેસ નોંધાયા બાદ શુક્રવારે દેશમાં ચેપગ્રસ્ત લોકોની સંખ્યા વધીને 81,907 થઈ ગઈ છે. આ સાથે, દેશમાં સાજા થયેલા લોકોની પણ ફરીથી તપાસ કરવામાં આવી છે, જેથી આ જીવલેણ વાયરસનાં તમામ માર્ગો ફરીથી બંધ થઈ શકે. ચીનનાં આરોગ્ય અધિકારીઓએ જણાવ્યું હતું કે, 42 લોકોમાંથી 38 લોકો બહારનાં હતા. અધિકારીઓએ શુક્રવારે જણાવ્યું હતું કે, આવા 47 લોકો વાયરસથી ચેપગ્રસ્ત થયા હોવાનુ સામે આવી રહ્યુ છે, જેમાં કોઈ લક્ષણો નથી. તેમાંથી 14 વિદેશથી આવેલા લોકો છે.

શિંહુઆ ન્યૂઝ એજન્સીનાં જણાવ્યા અનુસાર, પ્રોટોકોલ મુજબ, કોવિડ-19 નાં ઇલાજ થયેલા દર્દીઓને ઘરે અથવા એકાંત નિવાસસ્થાનમાં તબીબી દેખરેખ માટે 14 દિવસ અલગ રહેવું પડશે. વળી, ચીનનાં વડા પ્રધાન લી ક્વિગની આગેવાનીવાળી ઉચ્ચ શક્તિવાળી સમિતિએ પણ નિરીક્ષણ ઝડપી બનાવવા અને લક્ષણો વગરનાં કેસોની તપાસ ઝડપી કરવા જણાવ્યું છે.

જણાવી દઇએ કે, રોગચાળો વુહાનથી જ શરૂ થયો હતો. દેશમાં રોગચાળાને કારણે મૃત્યુઆંકની સંખ્યા 3,336 છે અને ચેપનો કુલ આંક 81,907 છે. જેમાં 77,455 સ્વસ્થ લોકો શામેલ છે. એનએચસીએ જણાવ્યું હતું કે કુલ લક્ષણો વગર સંક્રમિત કુલ 1,097 લોકોમાંથી 349 વિદેશનાં લોકો હતા, જે હજી તબીબી દેખરેખ હેઠળ છે. નવી સત્તાવાર સૂચના મુજબ, આ લોકોમાં વાયરસ તાવ, ખાંસી અથવા ગળામાં દુખાવો જેવા કોઈ લક્ષણો નથી, પરંતુ તપાસમાં તેઓ કોવિડ-19 થી ચેપગ્રસ્ત હોવાનું સામે આવ્યુ છે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.