કોરોનાવાયરસ સંકટ વચ્ચે બિહારનાં ભૂતપૂર્વ નાયબ મુખ્ય પ્રધાન અને આરજેડી નેતા તેજસ્વી યાદવે ભાજપ અને જેડીયુ સરકાર પર નિશાન સાધતા કહ્યું હતું કે, સરકાર કોરોના કરતા ઓછી જોખમી નથી. કોરોનાને લીધે, અમે દેશનાં પીડાદાયક ચિત્રો જોયા છે. કોરોના જેટલો ખતરનાક છે, તેનાથી આ દેશનાં અધિકારીઓ ઓછા જોખમી નથી. તેમણે કહ્યું કે, કોરોનાથી જે રીતે નુકસાન થઈ રહ્યું છે, તે રીતે દેશની સરકાર પણ લોકોને નુકસાન પહોંચાડી રહી છે. આ દરમિયાન તેમણે આરજેડી સુપ્રીમો લાલુ યાદવનાં સ્વાસ્થ્ય વિશે પણ ચર્ચા કરી હતી.
બિહાર પરત ફરતા પરપ્રાંતિય મજૂરોનાં મુદ્દે વાત કરતા તેજસ્વી યાદવે કહ્યું કે, અમે આ મુદ્દે મુખ્ય પ્રધાન સાથે વાત કરી હતી. આપણે આર્થિક મોરચે બેકઅપ યોજના બનાવવી જોઈએ. સ્થળાંતર કરનારાઓ કહે છે કે હવે તેઓ અન્ય રાજ્યોમાં નહીં જાય. બિહારનાં મજૂરોનાં વર્તનને લઇને અમે તેમની સાથે ઉભા છીએ. તેઓએ આ રોજગાર મેળવવા પર ધ્યાન કેન્દ્રિત કરવું જોઈએ. મનરેગા હેઠળ તેમને કામ આપી શકાય છે. જો સુગર મિલ અટકી ગઈ છે વળી બિહારમાં કોઈ ઉદ્યોગ કે ઈન્ડસ્ટ્રી નથી. બંધ કારખાનાઓ સરકારે ખોલવા જોઈએ. કૃષિ સંબંધિત કામ પર ધ્યાન કેન્દ્રિત કરવું પડશે. સરકારી ભરતીમાં વસવાટનો કાયદો લાગુ થવા જોઇએ. જો આપણી ઇચ્છાશક્તિ હોય, તો આપણે આ બધુ જ કરી શકીએ છીએ.
વિદેશી નાગરિકની મદદ અંગેનાં સવાલ પર આરજેડી નેતાએ કહ્યું કે, તેમને અને તેમની ટીમને સોશિયલ મીડિયા દ્વારા વિદેશી નાગરિક વિશે જાણકારી મળી હતી. જ્યાં તેને રાખવામાં આવ્યો હતો, તેની હાલત ખૂબ જ ખરાબ હતી. તેનું પાનકાર્ડ પણ ચોરાઇ ગયું હતું. તેનાથી વિશ્વમાં આપણા દેશનું નામ ખરાબ થશે. અમે તેની મદદ કરી. જ્યાં સુધી શક્ય હતુ ત્યાં સુધી ખોરાક અને પીવા માટેની મદદ કરી. પોતાના ધારાસભ્યને મોકલ્યા. આ અંગે અધિકારીઓને જાણ કરી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
