રસોડામાં ઘણા મસાલા હોય છે જેનો ઉપયોગ રોગો માટે દવા તરીકે થાય છે. આ મસાલા કે પાંદડાનો ઉપયોગ ડાયાબિટીસ અને હાઈ બ્લડ પ્રેશરને નિયંત્રિત કરવા માટે થાય છે. ડાયાબિટીસમાં ઘણા ઘરગથ્થુ ઉપચાર અસરકારક સાબિત થાય છે. તેનો નિયમિત ઉપયોગ શરીરમાં બ્લડ સુગરને નિયંત્રિત કરવામાં મદદ કરે છે. આવું જ એક સૂકું પાન છે તમાલપત્ર, જેનો ઉપયોગ ગરમ મસાલામાં થાય છે. તમાલપત્ર ખૂબ જ સુગંધિત હોય છે. જો ડાયાબિટીસના દર્દીઓ સવારે ખાલી પેટે તમાલપત્રની ચા પીવે છે, તો તે ડાયાબિટીસને કન્ટ્રોલ રાકવામાં મદદ કરે છે.
તમાલપત્ર એન્ટીઑકિસડન્ટ, વિટામિન અને ખનિજોથી ભરપૂર હોય છે. આ બધા પોષક તત્વો ડાયાબિટીસમાં અસરકારક સાબિત થઇ શકે છે. તમાલપત્રમાં આયર્ન, પોટેશિયમ, કેલ્શિયમ, સેલેનિયમ અને કોપર હોય છે. થોડા દિવસો સુધી નિયમિતપણે તમાલપત્રનું પાણી અથવા ચા પીવાથી ક્રોનિક ડાયાબિટીસ પણ ઘટાડી શકાય છે.
તમાલપત્રના ફાયદા
આયુર્વેદિક ડોકટરોના મતે, ડાયાબિટીસમાં તમાલપત્ર ખૂબ જ ફાયદાકારક છે. ઘણા સંશોધનોમાં એ પણ બહાર આવ્યું છે કે આહાર અને કસરતની સાથે કેટલાક આયુર્વેદિક ઉપાયો લેવાથી શુગર ઓછી થવા લાગે છે. આમ કરવાથી ઇન્સ્યુલિનનું કાર્ય સુધરે છે.
શુગર માટે તમાલપત્ર ચા?
તમાલપત્ર ચા બનાવવા માટે, 1 ગ્લાસ પાણીમાં 1 તમાલપત્ર નાખો અને તેને આખી રાત પલાળી રાખો. સવારે, આ પાણીને ઉકાળો, તેને ગાળીને પીવો. જો તમે ઇચ્છો તો, તમે તમારી સામાન્ય દૂધની ચામાં તમાલપત્રનો પણ ઉપયોગ કરી શકો છો. આ ઉપરાંત, તમે તેમાં થોડી તજ, એલચી અને તુલસી ઉમેરીને તમાલપત્ર ચા પણ બનાવી શકો છો. સામાન્ય રીતે તમે સવારે ખાલી પેટે તમાલપત્ર પાણી પી શકો છો. આ ધીમે ધીમે બ્લડ સુગર લેવલને સામાન્ય બનાવશે.
આ રોગોમાં તમાલપત્ર ફાયદાકારક છે
તમાલપત્ર માત્ર ખોરાકનો સ્વાદ જ નહીં પણ ઘણી બીમારીઓમાં પણ અસરકારક છે. તમાલપત્રનું સેવન કરવાથી કબજિયાત, એસિડિટી, ખેંચાણ અને દુખાવો જેવી પેટની સમસ્યાઓ ઓછી થાય છે. જો કિડનીમાં પથરી હોય તો તમાલપત્રનું પાણી પીવાથી ફાયદો થશે. જે લોકોને ઊંઘની સમસ્યા હોય તેમણે પાણીમાં તમાલપત્રના તેલના થોડા ટીપા ઉમેરીને પીવું જોઈએ. તમાલપત્રના તેલથી સાંધાઓની માલિશ કરવાથી રાહત મળે છે.
