Himatnagar News : હિંમતનગર પાસે આવેલ સાબરડેરીમાં આજે મજૂરો બોઇલર સાફ કરી રહ્યા હતાં. ત્યારે ગૂંગળામણ થતાં 1 નું મોત થયું છે જ્યારે અન્ય 2 મજૂરોને સારવાર માટે હોસ્પિટલમાં ખસેડવામાં આવ્યા છે.
સાબરડેરીમાં બોઈલર સફાઈ દરમિયાન એક શ્રમિકનું મોત થયું હોવાના સમાચાર મળ્યા છે. આ ઘટનાને લઈને નગરપાલિકા તંત્ર હરકતમાં આવ્યું છે. ચીફ ઓફિસર ઉપેન્દ્ર ગઢવીએ આ મામલે મોટો ખુલાસો કર્યો છે.
ગઢવીએ જણાવ્યું કે, “અમને એવી માહિતી મળી છે કે આવી કોઈ ઘટના બની નથી. પરંતુ અમે આ મામલે તપાસ કરી રહ્યા છીએ.”
આ ઘટનાને લઈને એવી શંકા સેવાઈ રહી છે કે સાબરડેરી તંત્ર આ મામલે ઢાંકપિછોડો કરવાનો પ્રયાસ કરી રહ્યું છે. ચીફ ઓફિસર સાથે ફાયર અધિકારીઓ પણ સ્થળ પર પહોંચ્યા છે. સ્થાનિક લોકોમાં ભારે રોષ, લોકો માંગ કરી રહ્યા છે કે આ મામલે કડક કાર્યવાહી કરવામાં આવે.
