Ahmedabad News: અમદાવાદ-મુંબઈ બુલેટ ટ્રેન (Bullet Train) પ્રોજેક્ટની સતત પ્રગતિના ભાગ રૂપે, ગુજરાતના ભરૂચ નજીક DFCC ટ્રેક પર 100 મીટર લાંબો સ્ટીલ બ્રિજ પૂર્ણ થયો. આ પ્રોજેક્ટ માટે ગુજરાતમાં બાંધવામાં આવનાર આઠમો સ્ટીલ બ્રિજ છે અને સમગ્ર કોરિડોર માટે 17 સ્ટીલ બ્રિજ અને 28 સ્ટીલ બ્રિજ છે.
લગભગ 1400 મેટ્રિક ટન વજનવાળો આ પુલ 14.6 મીટર ઊંચો અને 14.3 મીટર પહોળો છે. તેને ટ્રિચી ખાતેના વર્કશોપમાં તૈયાર કરવામાં આવ્યો છે અને ખાસ ડિઝાઇન કરાયેલા ટ્રેલરો દ્વારા સાઇટ સુધી પહોંચાડવામાં આવ્યો છે. પુલને 84 મીટર લાંબા લોન્ચિંગ નોઝનો ઉપયોગ કરીને લોન્ચ કરવામાં આવ્યો છે, જેનું વજન લગભગ 600 મેટ્રિક ટન છે.
આ પુલના નિર્માણમાં અંદાજે 55,300 જેટલા ટોર-શીયર પ્રકારના હાઇ સ્ટ્રેન્થ બોલ્ટ્સ (TTHS)નો ઉપયોગ કરવામાં આવ્યો હતો, જેને C5 પધ્ધતિથી પેઇન્ટિંગ કરવામાં આવ્યું છે અને એલાસ્ટોમેરિક બેરિંગ્સ 100 વર્ષના આયુષ્ય માટે ડિઝાઇન કરવામાં આવેલ છે. પુલનું એસેમ્બ્લી કાર્ય સ્થળ ઉપર જમીનથી 18 મીટર ઊંચાઇએ તાત્કાલિક ટ્રેસલ્સ પર કરવામાં આવ્યું હતું અને તેને 2 અર્ધ-સ્વચાલિત જેક્સની આપમેળે કાર્ય કરતી પદ્ધતિ વડે ખેંચવામાં આવ્યો હતો, જેમાં દરેક જેકની ક્ષમતા 250 ટન હતી અને તેમાં મેક-એલોય બાર્સનો ઉપયોગ કરવામાં આવ્યો હતો.
આ લોંચિંગ કાર્ય ખૂબ જ જાગરુકતાપૂર્વક અમલમાં મૂકવામાં આવ્યું હતું, જેમાં ડીએફસી ટ્રેક્સ પર તબક્કાવાર રીતે યોજના મુજબ ટ્રાફિક બ્લોક્સ લેવામાં આવ્યા હતા જેથી સલામતી સુનિશ્ચિત રહે અને માલવાહક ટ્રેનોની અવરજવર ઓછામાં ઓછી ખલેલ સાથે ચાલુ રહી શકે.
આ પણ વાંચો:ગુજરાતમાં બુલેટ ટ્રેન માટે NH-48 પર સ્ટીલ બ્રિજનો પહેલો 100 મીટરનો સ્પાન લોન્ચ, શું છે ખાસ
આ પણ વાંચો:જાપાન ભારતને 300 કિમીની ગતિવાળી આ 2 બુલેટ ટ્રેન મફતમાં આપશે,ડિલિવરી 2026 સુધીમાં થશે
આ પણ વાંચો:અમદાવાદમાં બુલેટ ટ્રેનની કામગીરી દુર્ઘટના મામલે કેટલીક ટ્રેનો કરાઈ ડાયવર્ટ
