New Delhi News : દિલ્હી અને રાજસ્થાનને ઝંઝોડીને મુકી દે તેવી હ્રદયવિદારક ઘટના સામે આવી છે. માત્ર 19 વર્ષના યુવકે 24 કલાકની અંદર બે અલગ અલગ સ્થળે ગંભીર અપરાધોને અંજામ આપતા દેશભરમાં ચકચાર મચી ગઈ છે.
દિલ્હીના દક્ષિણ-પૂર્વ વિસ્તારમાં આવેલી ઈસ્ટ કૈલાશ કોલોનીમાં એક યુવતી સાથે દુષ્કર્મ બાદ તેની હત્યા(Murder) કરાઈ હતી. પ્રાથમિક તપાસમાં સામે આવ્યું કે આરોપી યુવક અગાઉ રાજસ્થાનના અલવરમાં પણ એક મહિલાને નિશાન બનાવી ચૂક્યો હતો.
શું છે સમગ્ર મામલો?
માહિતી મુજબ, આરોપી યુવક એક આઈઆરએસ અધિકારીના ઘરે કામ કરતો હતો, પરંતુ લગભગ એક મહિના પહેલાં તેને નોકરીમાંથી કાઢી મુકાયો હતો. બુધવારે તે ઘરમાં ચોરીના ઈરાદે પ્રવેશ્યો હતો.
ઘરમાં યુવતી એકલી હોવાનું જોઈ તેની મનોદશા બદલાઈ ગઈ અને તેણે પહેલા યુવતી પર હુમલો કર્યો. યુવતી વિરોધ કરતી હોવા છતાં આરોપીએ ભારે વસ્તુથી તેના માથા પર પ્રહાર કર્યો, જેના કારણે તે બેહોશ થઈ ગઈ. ત્યારબાદ તેની સાથે દુષ્કર્મ કરવામાં આવ્યું અને બાદમાં મોબાઈલ ચાર્જરના તાર વડે ગળું દબાવી હત્યા (Murder)કરવામાં આવી.
લૂંટનો પણ ખુલાસો
અપરાધ બાદ આરોપી ઘરમાંથી રોકડ અને દાગીના લઈ ફરાર થઈ ગયો હતો. પોલીસે તપાસ દરમિયાન મોટાભાગનો માલ જપ્ત કર્યો છે. મળેલી માહિતી પ્રમાણે, ચોરી કરાયેલા પૈસામાંથી થોડો જ ખર્ચ થયો હતો.
‘પૈસા માટે કર્યું’: આરોપીની કબૂલાત
પોલીસ પૂછપરછ દરમિયાન આરોપીએ ગુનો સ્વીકારી લીધો છે. તેણે જણાવ્યું કે પૈસા મેળવવા માટે જ આ કૃત્ય કર્યું હતું. હાલ તેને રિમાન્ડ પર રાખવામાં આવ્યો છે અને પોલીસ ઘટનાનું પુનર્નિર્માણ કરવાની તૈયારીમાં છે.
કોર્ટમાં રજૂઆત દરમિયાન પણ આરોપીએ પોતાનો ગુનો કબૂલ કર્યો અને “ભૂલ થઈ ગઈ” કહી માફી માંગી હોવાનું જાણવા મળે છે.
પોસ્ટમોર્ટમમાં ચોંકાવનારા ખુલાસા
પોસ્ટમોર્ટમ રિપોર્ટમાં યુવતીના શરીર પર ગંભીર ઈજાના નિશાન જોવા મળ્યા છે. ગળું દબાવવાના પુરાવા ઉપરાંત શરીરના અનેક ભાગોમાં સંઘર્ષના નિશાન હોવાનું ડોક્ટરોનું કહેવું છે. ચહેરા અને હાથ-પગ પર ઈજાઓ જણાય છે, જે દર્શાવે છે કે યુવતીએ બચવાનો પ્રયાસ કર્યો હતો.
પહેલા પણ કર્યો હતો ગુનો
તપાસમાં સામે આવ્યું છે કે આરોપી યુવક ઘટનાના થોડા સમય પહેલા રાજસ્થાનના અલવરમાં પોતાના ઓળખીતાના ઘરમાં ગયો હતો, જ્યાં તેણે એક મહિલાની સાથે દુષ્કર્મ કર્યું હતું. આ મામલે સ્થાનિક પોલીસ દ્વારા અલગ કેસ નોંધાયો છે.
પોલીસની તપાસ ચાલુ
દિલ્હી પોલીસ મુજબ, હત્યાનો ચોક્કસ હેતુ જાણવા માટે વધુ તપાસ ચાલી રહી છે. સાથે જ આરોપીની પૃષ્ઠભૂમિ અને તેના વર્તન વિશે પણ માહિતી એકત્રિત કરવામાં આવી રહી છે.
