પાકિસ્તાનથી મોટા સમાચાર સામે આવ્યા છે. અહીં ભારે વરસાદ જોવા મળી રહ્યો છે. પાકિસ્તાનમાં ભારે વરસાદ અને વીજળી પડવાને કારણે અત્યાર સુધીમાં કુલ 20 લોકોના મોત થયા છે. વીજળી પડવાથી 10ના મોત પાકિસ્તાનના પૂર્વ પંજાબ પ્રાંતના ઘણા વિસ્તારોમાં આજે વીજળી પડી હતી. વીજળી પડવાથી અહીં ઓછામાં ઓછા 10 લોકોના મોત થયા છે. બીજી તરફ પ્રશાસન દ્વારા જણાવવામાં આવી રહ્યું છે કે છેલ્લા 24 કલાક દરમિયાન પાકિસ્તાનના બે પ્રાંત શેખપુરા અને નારોવાલમાં ભારે વરસાદને કારણે અનેક મકાનો ધરાશાયી થયા છે. પાકિસ્તાનમાં ભારે વરસાદ અને વીજળી પડવાને કારણે અત્યાર સુધીમાં કુલ 20 લોકોએ જીવ ગુમાવ્યા છે.
પાકિસ્તાનના પૂર્વ પંજાબ પ્રાંતના ભાગોમાં વીજળી પડવાથી ઓછામાં ઓછા 10 લોકોના મોત થયા છે અને છ અન્ય ઘાયલ થયા છે. રાહત અને બચાવ અધિકારીઓએ આ જાણકારી આપી. રાજ્ય સરકાર સંચાલિત બચાવ સંસ્થા રેસ્ક્યુએ જણાવ્યું હતું કે છેલ્લા 24 કલાક દરમિયાન પ્રાંતના શેખુપુરા અને નારોવાલ જિલ્લામાં વીજળી પડવાની ઘટનાઓ નોંધાઈ હતી, જ્યાં ભારે વરસાદને પગલે વીજળી પડવાથી અનેક મકાનો ધરાશાયી થયા હતા. ઘાયલોને નજીકમાં ખસેડવામાં આવ્યા છે, જ્યારે કોઈપણ અપ્રિય પરિસ્થિતિને પહોંચી વળવા સમગ્ર પ્રાંતમાં બચાવ ટીમોને હાઈ એલર્ટ પર રાખવામાં આવી છે. ક્લાઈમેટ ચેન્જ મિનિસ્ટર શેરી રહેમાને રવિવારે સવારે એક ટ્વિટમાં જણાવ્યું હતું કે 30 જૂન સુધી સમગ્ર દેશમાં પ્રી-મોન્સૂન વરસાદની અપેક્ષા છે, જે દરમિયાન પંજાબના વિવિધ શહેરોમાં ભારે પવન, ગાજવીજ અને ભારે વરસાદની સંભાવના છે.
