ઓનલાઈન ગેમિંગ, હોર્સ રેસિંગ અને કેસિનો પર 28 ટકા GST વસૂલવાનો નિર્ણય પાછો લેવામાં આવશે નહીં. 1 ઓક્ટોબર 2023થી ઓનલાઈન ગેમિંગ, હોર્સ રેસિંગ અને કેસિનો પર 28 ટકાનો નિર્ણય લાગુ કરવામાં આવશે. અને આ તારીખના છ મહિના પછી GST કાઉન્સિલ લાદવામાં આવેલા ટેક્સની સમીક્ષા કરશે.
નાણા મંત્રી નિર્મલા સીતારમણની અધ્યક્ષતામાં 51મી GST કાઉન્સિલની બેઠક વીડિયો કોન્ફરન્સિંગ દ્વારા યોજાઈ હતી. બેઠક બાદ નાણામંત્રીએ કાઉન્સિલની બેઠકમાં લેવાયેલા નિર્ણયની માહિતી આપી હતી. નાણાપ્રધાને જણાવ્યું કે દિલ્હી, ગોવા, સિક્કિમે ઓનલાઈન ગેમિંગને 28 ટકા GST હેઠળ લાવવાના નિર્ણયની સમીક્ષાની માંગ કરી. તેમણે કહ્યું કે 6 મહિના પછી GST કાઉન્સિલ દ્વારા ઑનલાઇન ગેમિંગ, કેસિનો, હોર્સ રેસિંગ પર 28 ટકા GST વસૂલવાના નિર્ણયની સમીક્ષા કરવામાં આવશે.
👉 Recommendations of 51st GST Council Meeting
👉 GST Council recommends certain amendments in CGST Act 2017 and IGST Act 2017, including amendment in Schedule III of CGST Act, 2017, to provide clarity on taxation of supplies in casinos, horse racing and online gaming
👉 GST… pic.twitter.com/iqsEBhUUoK
— Ministry of Finance (@FinMinIndia) August 2, 2023
11 જુલાઇ, 2023ના રોજ, GST કાઉન્સિલે તેની 50મી બેઠકમાં ઓનલાઈન ગેમિંગ, હોર્સ રેસિંગ અને કેસિનો પર 28 ટકા GST વસૂલવાના પ્રસ્તાવને મંજૂરી આપી હતી. ઓનલાઈન ગેમિંગ, કેસિનો અને હોર્સ રેસિંગમાં સટ્ટાબાજીની સંપૂર્ણ કિંમત પર 28% GST વસૂલવામાં આવશે. આ નિર્ણય બાદ કેન્દ્ર અને રાજ્યોના ટેક્સ અધિકારીઓએ ટેક્સ કલેક્શન સંબંધિત ડ્રાફ્ટ નિયમો તૈયાર કર્યા છે. નાણાપ્રધાને કહ્યું કે કેન્દ્રીય GST કાયદામાં સુધારાનો પ્રસ્તાવ ચોમાસુ સત્રમાં જ સંસદમાં રજૂ કરવામાં આવશે.