Job Scam: સોશિયલ મીડિયા (Social Media) પર લિંક્સ પર ક્લિક કરતી વખતે સાવચેત રહેવું ખૂબ જ મહત્વપૂર્ણ બની ગયું છે. છેતરપિંડી કરનારાઓ નિર્દોષ લોકોને નિશાન બનાવવા માટે વિવિધ યુક્તિઓ અપનાવી રહ્યા છે. તેનું તાજેતરનું ઉદાહરણ એક વાયરલ મેસેજ (Viral Message) છે, જેના દ્વારા એવો દાવો કરવામાં આવી રહ્યો છે કે કેન્દ્ર સરકાર દર મહિને બેરોજગારોને (Unemployment) ભથ્થું આપવા જઈ રહી છે. એવું કહેવામાં આવી રહ્યું છે કે આ માટે એક યોજના પણ શરૂ કરી દેવામાં આવી છે. જોકે, આ સમાચાર ખોટા છે.

મામલો શું છે

સોશિયલ મીડિયા પર લિંક સાથેનો એક મેસેજ વાયરલ થઈ રહ્યો છે, જેમાં દાવો કરવામાં આવ્યો છે કે સરકારે બેરોજગારો માટે એક સ્કીમ શરૂ કરી છે. વાયરલ મેસેજમાં કહેવામાં આવ્યું છે કે, ‘પ્રધાનમંત્રી બેરોજગાર ભથ્થું યોજના’ અંતર્ગત સરકાર બેરોજગાર યુવાનોને દર મહિને 3500 રૂપિયા આપશે. આ વાયરલ પોસ્ટની સાથે એક લિંક પણ શેર કરવામાં આવી છે અને લોકોને રજીસ્ટ્રેશન કરવા માટે કહેવામાં આવ્યું છે.

મેસેજમાં કહેવામાં આવ્યું છે કે, ‘પ્રધાનમંત્રી બેરોજગાર ભથ્થું યોજના 2022 માટે નોંધણી શરૂ થઈ ગઈ છે. આ યોજના હેઠળ બેરોજગાર યુવાનોને દર મહિને 3500 રૂપિયા આપવામાં આવશે. તમારા મોબાઈલ પરથી આ લિંક પર ક્લિક કરીને હમણાં જ નોંધણી કરો.

સત્ય શું છે

પીઆઈબીએ (PIB) આ દાવાને ખોટો ગણાવ્યો છે. એક્સ પર કહ્યું, ‘ભારત સરકાર દ્વારા આવી કોઈ યોજના ચલાવવામાં આવી રહી નથી. કોઈપણ શંકાસ્પદ લિંક પર ક્યારેય ક્લિક કરશો નહીં.

ફ્રી મોબાઈલની નકલી પોસ્ટ વાયરલ થઈ

થોડા દિવસો પહેલા એક અન્ય વાયરલ પોસ્ટ દ્વારા એવો દાવો કરવામાં આવ્યો હતો કે સરકાર ફ્રી મોબાઈલ ફોન આપી રહી છે. PIBએ માહિતી આપી હતી કે, ‘GavDehatvlogs ચેનલના વીડિયો થંબનેલ અનુસાર, કેન્દ્ર સરકાર પ્રધાનમંત્રી ફ્રી મોબાઈલ સ્કીમ હેઠળ તમામ લોકોને મફત મોબાઈલ ફોન આપશે.’ પીઆઈબીએ કહ્યું કે કેન્દ્ર સરકાર આવી કોઈ યોજના ચલાવી રહી નથી. તેમજ આવા સમાચાર શેર ન કરવાની સલાહ આપી છે.

આ પણ વાંચોઃEPFO: હવે માત્ર આટલા દિવસમાં જ મળશે ક્લેમ મની, 6 કરોડથી વધુ લોકોને મળશે ફાયદો

આ પણ વાંચોઃનોકરી કરતા 7 કરોડ લોકોને ભેટ, EPFOની ઑટો ક્લેમ સુવિધા લૉન્ચ

આ પણ વાંચોઃજૂનમાં EPFOમાં 17.89 લાખ સભ્યો જોડાયા, નોકરી કરતા લોકોની સંખ્યામાં વધારો થયો