અફઘાનિસ્તાનમાં ફરી એકવાર ભૂકંપના આંચકા અનુભવાયા છે. અફઘાનિસ્તાનના પશ્ચિમી પ્રાંત બદગીસમાં સોમવારે આવેલા ભૂકંપમાં ઓછામાં ઓછા 12 લોકોના મોત થયા છે. ઘણા લોકો ઘાયલ હોવાનું કહેવાય છે. રિક્ટર સ્કેલ પર ભૂકંપની તીવ્રતા 5.6 હતી. સ્થાનિક અધિકારીએ આ જાણકારી આપી છે મળતી માહિતી મુજબ પશ્ચિમી પ્રાંત બદગીસમાં બપોરે ભૂકંપના આંચકા અનુભવાયા હતા. ભૂકંપના જોરદાર આંચકાથી અનેક મકાનોને નુકસાન થયું હતું. કહેવામાં આવી રહ્યું છે કે મૃતકોની સંખ્યા વધી શકે છે.
આ પહેલા શુક્રવારે રાત્રે અફઘાનિસ્તાનના ફૈઝાબાદ નજીક ભૂકંપના જોરદાર આંચકા અનુભવાયા હતા. જો કે, તે સમયે કોઈ જાન-માલના નુકસાનના સમાચાર મળ્યા ન હતા. ત્યારબાદ ભૂકંપની તીવ્રતા રિક્ટર સ્કેલ પર 5.3 માપવામાં આવી હતી. શુક્રવારે આવેલા ભૂકંપનું કેન્દ્ર અફઘાનિસ્તાનના ફૈઝાબાદથી 117 કિમી દક્ષિણપૂર્વમાં હતું.
