National News : ઓગસ્ટ મહિનો હવે અંત તરફ છે અને 1 સપ્ટેમ્બરથી કેટલાક મહત્વના ફેરફારો (rules change)થવાની શક્યતા છે. આ ફેરફારોનો સંબંધ LPG સિલિન્ડર, ગેસ e-KYC, ઇંધણના ભાવ, કારની કિંમતો અને વિદેશ પ્રવાસની પ્રક્રિયા સાથે છે.
એટલે જો તમે ઘરેલું ગેસ વાપરો છો, નવી કાર ખરીદવાનું વિચારી રહ્યા છો અથવા સપ્ટેમ્બરમાં વિદેશ જવાના છો, તો આ ફેરફારો (rules change)વિશે જાણવું જરૂરી છે.
1. LPG સિલિન્ડરના ભાવમાં ફેરફાર
દર મહિનાની પહેલી તારીખે ઓઇલ માર્કેટિંગ કંપનીઓ LPG સિલિન્ડરના નવા ભાવ ( LPG cylinder price)જાહેર કરે છે. તેથી 1 સપ્ટેમ્બર 2026ના રોજ પણ ઘરેલું અને કોમર્શિયલ LPGના ભાવમાં ફેરફાર થાય છે કે નહીં તેના પર નજર રહેશે.
1 ઓગસ્ટે 19 કિલોના કોમર્શિયલ LPG સિલિન્ડરના ભાવ ( LPG cylinder price)માં ₹202નો ઘટાડો કરવામાં આવ્યો હતો. જોકે, 14.2 કિલોના ઘરેલું LPG સિલિન્ડરના ભાવમાં કોઈ ફેરફાર કરવામાં આવ્યો નહોતો.
સપ્ટેમ્બરમાં ભાવ ઘટશે કે વધશે તે અંગે અંતિમ સ્થિતિ કંપનીઓ દ્વારા ભાવ જાહેર થયા બાદ જ સ્પષ્ટ થશે.
2. LPG e-KYC કરાવવું જરૂરી
LPG ગ્રાહકો માટે e-KYC પણ મહત્વનું બની શકે છે. IOCL, BPCL અને HPCLના ગ્રાહકોને LPG સંબંધિત e-KYC પ્રક્રિયા સમયસર પૂર્ણ કરવાની સલાહ આપવામાં આવી રહી છે.
જો e-KYCની પ્રક્રિયા બાકી હોય તો તેને અવગણવી નહીં. સમયમર્યાદા અને નિયમો અંગે કંપની અથવા સત્તાવાર LPG ચેનલ પરથી માહિતી ચકાસવી યોગ્ય રહેશે.
3. ATF, CNG અને PNGના ભાવમાં ફેરફાર
સપ્ટેમ્બરની શરૂઆતમાં માત્ર LPG જ નહીં, પરંતુ અન્ય ઇંધણના ભાવ પર પણ નજર રહેશે.
ઓઇલ માર્કેટિંગ કંપનીઓ સામાન્ય રીતે મહિનાની શરૂઆતમાં Aviation Turbine Fuel એટલે કે ATFના ભાવમાં ફેરફાર કરે છે. ATFની કિંમતમાં ફેરફારથી એરલાઇનના ઓપરેટિંગ ખર્ચ પર અસર પડી શકે છે અને તેની અસર હવાઈ મુસાફરીના ભાડા પર પણ જોવા મળી શકે છે.
આ ઉપરાંત કેટલાક વિસ્તારોમાં CNG અને PNGના ભાવમાં પણ ફેરફાર થઈ શકે છે.
4. Tataની કાર થઈ શકે છે મોંઘી
કાર ખરીદવાનું આયોજન કરી રહેલા લોકો માટે સપ્ટેમ્બર મહત્વનો બની શકે છે.
ટાટા મોટર્સની પેસેન્જર વ્હીકલ્સ કંપનીએ 1 સપ્ટેમ્બર 2026થી કાર અને SUVની કિંમતોમાં ₹25,000 સુધીનો વધારો (Tata car price hik)કરવાની યોજના જાહેર કરી હોવાના અહેવાલ છે.
આ વધારો પેટ્રોલ-ડીઝલ એટલે કે ICE વાહનો ઉપરાંત ઇલેક્ટ્રિક વાહનો પર પણ લાગુ થઈ શકે છે. જોકે, વાસ્તવિક વધારો મોડલ અને વેરિઅન્ટ પ્રમાણે અલગ હોઈ શકે છે.
નવી કાર ખરીદવાનું વિચારી રહ્યા ગ્રાહકો માટે એટલે સપ્ટેમ્બર પહેલાંની કિંમત અને 1 સપ્ટેમ્બર પછીની કિંમતની સરખામણી કરવી મહત્વપૂર્ણ રહેશે.
5. વિદેશ જતાં મુસાફરો માટે એરપોર્ટ પર રાહત
વિદેશ પ્રવાસ કરનારા મુસાફરો માટે પણ મહત્વનો ફેરફાર સામે આવ્યો છે.
અહેવાલો અનુસાર, ભારતથી વિદેશ જતાં મુસાફરોને ઇમિગ્રેશન કાઉન્ટર પર બોર્ડિંગ પાસ પર સ્ટેમ્પ લગાવવાની જરૂરિયાત દૂર કરવાની પ્રક્રિયા શરૂ થઈ શકે છે.
તેના બદલે મુસાફરો મોબાઇલમાં ઇલેક્ટ્રોનિક બોર્ડિંગ પાસ અથવા તેની પ્રિન્ટેડ કોપી બતાવીને પ્રક્રિયા પૂર્ણ કરી શકશે.
આ ફેરફાર અમલમાં આવે તો એરપોર્ટ પર ઇમિગ્રેશન પ્રક્રિયા વધુ સરળ અને ઝડપી બની શકે છે.
સપ્ટેમ્બર પહેલાં આ બાબતો ચકાસી લો
LPGના નવા ભાવ 1 સપ્ટેમ્બરે તપાસો.
LPG e-KYC બાકી હોય તો સમયસર પૂર્ણ કરો.
CNG અને PNGના સ્થાનિક ભાવમાં ફેરફાર થયો છે કે નહીં તે જુઓ.
Tata કાર ખરીદતા પહેલાં નવી કિંમત અને જૂની કિંમતની સરખામણી કરો.
વિદેશ પ્રવાસ હોય તો એરપોર્ટ અને ઇમિગ્રેશનની નવીનતમ સૂચનાઓ ચકાસો.
