Breaking News:અરબી સમુદ્રમાંથી ગુજરાત ATS અને કોસ્ટગાર્ડ દ્વારા મધદરિયે સંયુક્ત ઓપરેશન હાથ ધરવામાં આવ્યું હતું, જેમાં 200 કિલો ડ્રગ્સ સાથે 2 ઇરાની નાગરિકોની ધરપકડ કરવામાં આવી છે. પ્રાથમિક માહિતી મુજબ, દરિયાઈ માર્ગે નશીલા પદાર્થોની હેરફેર થતી હોવાની બાતમીના આધારે આ કાર્યવાહી કરવામાં આવી હતી.ગુજરાતમાં એક મહત્વપૂર્ણ અને સફળ કાર્યવાહીમાં ગુજરાત ATS (Gujarat ATS) અને ભારતીય કોસ્ટ ગાર્ડ એ સંયુક્ત રીતે અરબી સમુદ્રમાં ડ્રગ્સને ઘુસાડવાના પ્રયાસને નિષ્ફળ બનાવ્યો છે.
Gujarat ATS એ ડ્રગ્સ ઘૂસાડવાનો પ્રયાસ નિષ્ફળ બનાવ્યો
માહિતી અનુસાર ગુજરાત ATS (Gujarat ATS) અને ભારતીય કોસ્ટ ગાર્ડ દ્રારા પોરબંદરના દરિયાકાંઠેથી 200 કિલોથી વધુ ડ્રગ્સ જપ્ત કરવામાં આવ્યું છે. આ કામગીરી દરમિયાન, આ ડ્રગ્સની હેરાફેરી કરવામાં સામેલ બે ઈરાની ડ્રગ પેડલરની ધરપકડ કરવામાં આવી છે. આ જથ્થો અરબી સમુદ્રમાંથી જપ્ત કરવામાં આવ્યો હતો,આ જથ્થો ડ્રગ્સ પોરબંદર જેટી પર લાવવામાં આવશે તેવી શક્યતાઓ સેવાઈ રહી છે.
દરિયાઈ દેખરેખ સાથે સંકળાયેલી ચોક્કસ માહિતીના આધારે આ એક સુનિયોજિત કામગીરી હતી. “ભારતીય કોસ્ટ ગાર્ડ અને ATS (Gujarat ATS) દ્વારા સંયુક્ત કાર્યવાહીમાં આટલો મોટો ડ્રગ્સનો જથ્થો જપ્ત કરવામાં આવ્યો છે. આ ડ્રગ્સ ક્યાંથી લાવવામાં આવ્યા હતા અને ભારતમાં કોને પહોંચાડવાના હતા તે શોધવા માટે સંપૂર્ણ તપાસ ચાલી રહી છે.”
આ પણ વાંચો: ગુજરાત ATSનું મોટું ઓપરેશન, રાજસ્થાનમાંથી નશીલા દ્રવ્યો બનાવતી ફેક્ટરી ઝડપી
આ પણ વાંચો:ગુજરાત ATSની મોટી સફળતા, પાકિસ્તાન માટે જાસૂસી કરતું નેટવર્ક ઝડપાયું
આ પણ વાંચો: ગુજરાત ATSની મોટી કાર્યવાહી, નવસારીમાંથી ફૈઝાન શેખની ધરપકડ
