Gandhinagar News : ગુજરાતમાં સ્થાનિક સ્વરાજ્યની સંસ્થાઓની ચૂંટણી(Election)નું કાઉન્ટડાઉન શરૂ થઈ ગયું છે. આ વખતે મતદારોના મન જીતવા માટે માત્ર દિગ્ગજ નેતાઓ જ નહીં, પરંતુ ચૂંટણીના પ્રતીકો પણ મહત્વનો ભાગ બનશે. રાજ્ય ચૂંટણી આયોગે માન્ય પક્ષો, અમાન્ય પક્ષો અને અપક્ષ ઉમેદવારો માટેના પ્રતીકોની સંપૂર્ણ યાદી જાહેર કરી દીધી છે.
માન્ય પક્ષો માટેના પ્રતીકો
આ ચૂંટણીમાં કુલ 14 માન્ય રાજકીય પક્ષો મેદાનમાં છે. જાણીતા પ્રતીકો નીચે મુજબ છે:
- ભાજપ – ‘કમળ’
- કૉંગ્રેસ – ‘હાથ’
- આપ – ‘ઝાડુ’
નવા અને વિશિષ્ટ પ્રતીકો:
- રાષ્ટ્રવાદી કોંગ્રેસ (શરદ પવાર) – ‘ભૂંગળ વગાડતા માણસ’
- ભારત આદિવાસી પાર્ટી – ‘હોકી-દડો’
- BSP – ‘હાથી’
- સમાજવાદી પાર્ટી – ‘સાયકલ’
અમાન્ય પક્ષો અને આધુનિક પ્રતીકો
રાજ્ય ચૂંટણી આયોગે 55 અમાન્ય પક્ષો માટેના પ્રતીકો પણ જાહેર કર્યા છે. જેમાં જોવા મળેલા છે:
- ‘ગેસ સિલિન્ડર’, ‘ઓટોરીક્ષા’, ‘કોમ્પ્યુટર’, ‘લેપટોપ’, ‘સીસીટીવી કેમેરા’
- આમ ભારત પાર્ટી – ‘કીટલી’
- બહુજન મુક્તિ પાર્ટી – ‘ખાટલુ’
નોટ: મહાગુજરાત જનતા પાર્ટી અને યુવા જાગૃતિ દળને આ વખતે ડી-લિસ્ટ કરવામાં આવ્યા છે.
અપક્ષ ઉમેદવારો માટેના મુક્ત પ્રતીકો
જે ઉમેદવાર કોઈ પક્ષ સાથે જોડાયેલા નથી, તેમને માટે 144 મુક્ત પ્રતીકો રાખવામાં આવ્યા છે. તેમાં શામેલ છે:
- આધુનિક પ્રતીકો: ‘એરકન્ડિશનર’, ‘રોબોટ’, ‘પેન ડ્રાઈવ’, ‘હેડફોન’
- ગ્રામિણ જીવન સાથે જોડાયેલા પ્રતીકો: ‘વેલણ-પાટલી’, ‘કૂવો’, ‘હાથ રેહડી’, ‘માચીસ’
મતદારો માટે પ્રતીકોનું મહત્વ
ચૂંટણી પ્રતીક માત્ર ચિહ્ન નથી, પરંતુ અભણ અને ગ્રામિણ મતદારો માટે ઉમેદવારની ઓળખ છે. હવે જોવાનું રહેશે કે ઉમેદવારો પોતાનું પ્રતીક કઈ રીતે અસરકારક રીતે મતદારો સુધી પહોંચાડે છે.
