Vadodara News : લોકસભા ચૂંટણી પૂર્ણ થતાં જ ગુજરાતમાં ટ્રાફિક નિયમોના કડક અમલ માટે પોલીસ ફરી એક્શન મોડમાં આવી છે. રાજ્યમાં 1 મેથી 31 મે સુધી હેલ્મેટ ડ્રાઇવ(Helmet Drive) શરૂ કરવામાં આવી છે, જેના ભાગરૂપે Vadodaraમાં સરકારી કચેરીઓ બહાર ખાસ ચેકિંગ હાથ ધરાયું છે.
રાજ્યમાં 1 મેથી 31 મે સુધી હેલ્મેટ ડ્રાઇવ(Helmet Drive) શરૂ કરવામાં આવી છે
નર્મદા ભવન પાસે ડ્રાઇવ દરમિયાન એક મહિલા કર્મચારી હેલ્મેટ વિના ટુ-વ્હીલર પર ઓફિસે પહોંચી હતી. ટ્રાફિક પોલીસે તેને રોકીને દંડ ભરવાનું કહ્યું, પરંતુ મહિલાએ ઇનકાર કરતા પોલીસે તેની ગાડી ડિટેઇન કરવાની કાર્યવાહી શરૂ કરી. આથી મહિલા ગુસ્સે ભરાઈ અને પોલીસ સાથે જાહેરમાં જ ઉગ્ર બોલાચાલી કરી.
મહિલાએ પોલીસ પર આક્ષેપ કર્યો કે મોટા ગુનેગારોને પકડવાને બદલે સામાન્ય નાગરિકોને હેરાન કરવામાં આવે છે. તેણે પોતાની નોકરીનો હવાલો આપતા કહ્યું કે મોડું થવાથી તેને મુશ્કેલી પડશે અને ગાડીની ચાવી પરત આપવાની માંગ કરી.
આ દરમિયાન ટ્રાફિક ACP ડી.એમ. વ્યાસે મહિલાને સમજાવવાનો પ્રયાસ કર્યો કે હેલ્મેટ પહેરવું કાયદેસર ફરજિયાત છે અને નિયમો તમામ માટે સમાન છે. તેમ છતાં મહિલાએ પોતાની દલીલ ચાલુ રાખી, જેના કારણે સ્થળ પર તંગદિલીનો માહોલ સર્જાયો.
પોલીસના જણાવ્યા મુજબ, સ્ટેટ ટ્રાફિક બ્રાન્ચના આદેશથી મે મહિનામાં રાજ્યવ્યાપી ઝુંબેશ હાથ ધરાઈ છે. ખાસ કરીને સરકારી કચેરીઓમાં આવનારા કર્મચારીઓ માટે કડક ચેકિંગ કરવામાં આવી રહી છે, જેથી દરેક વ્યક્તિ ટ્રાફિક નિયમોનું પાલન કરે.
વડોદરામાં ડ્રાઇવના પ્રથમ જ દિવસે થયેલી આ ઘટનાએ શહેરમાં ચર્ચાનો વિષય ઉભો કર્યો છે.
