Gujarat Weather News: આગામી 4 દિવસ દરમિયાન અમદાવાદ સહિત રાજ્યભરમાં મહત્તમ તાપમાન(Temperature)માં 2 થી 3 ડિગ્રીનો ઘટાડો થવાની સંભાવના છે, જ્યારે લઘુત્તમ તાપમાનમાં પણ 2 થી 3 ડિગ્રીનો ઘટાડો થવાની સંભાવના છે. તાપમાનમાં આ ઘટાડાથી લોકોને ગરમીથી થોડી રાહત મળવાની શક્યતા હવામાન વિભાગે વ્યક્ત કરી છે. હવામાન વિભાગે ગરમીથી આંશિક રાહત મળવાની આગાહી કરી છે.
ઉપરાંત, દરિયાકાંઠાના વિસ્તારોમાં 45 થી 50 કિલોમીટરની ઝડપે પવન ફૂંકાઈ રહ્યો હોવાથી, માછીમારોને દરિયામાં ન જવાની સલાહ આપવામાં આવી છે. હવામાન વિભાગે આગામી 48 કલાક દરમિયાન રાજ્યના મહત્તમ અને લઘુત્તમ તાપમાનમાં બે થી ત્રણ ડિગ્રી સેલ્સિયસનો ઘટાડો થવાની આગાહી પણ કરી છે. આનું મુખ્ય કારણ એ છે કે હાલમાં ગુજરાત રાજ્ય પર ઉત્તર અને ઉત્તર-પૂર્વ દિશામાંથી પવન ફૂંકાઈ રહ્યા છે અને ગયા અઠવાડિયા દરમિયાન ઉત્તર ભારતના પ્રદેશમાં ભારે હિમવર્ષા થઈ હતી અને ગુજરાતમાં પણ તે જ દિશામાંથી પવન ફૂંકાઈ રહ્યા છે.
હવામાન વિભાગના ડિરેક્ટર ડૉ. એ.કે. દાસના જણાવ્યા મુજબ, હાલમાં ગુજરાત રાજ્યમાં ઉત્તર અને ઉત્તર-પૂર્વ દિશામાંથી પવન ફૂંકાઈ રહ્યા છે અને તાજેતરમાં પશ્ચિમી વિક્ષેપ પસાર થવાને કારણે, આગામી 48 કલાક દરમિયાન મહત્તમ તાપમાનમાં ઘટાડો થશે, એટલે કે ગરમીથી રાહત મળવાની સારી શક્યતા છે. આ ઉપરાંત આજે દિવસ દરમિયાન પણ ગરમીથી રાહત મળવાની શક્યતા છે.
તેથી ગરમીથી રાહત મળશે. આગામી 24 કલાક દરમિયાન અમદાવાદ અને આસપાસના વિસ્તારોમાં હવામાન શુષ્ક રહેવાની ધારણા છે, જેમાં મહત્તમ તાપમાન 34 થી 35 ડિગ્રી સેલ્સિયસ અને લઘુત્તમ તાપમાન 20 ડિગ્રી સેલ્સિયસની આસપાસ રહેવાની શક્યતા છે.
આ પણ વાંચો:સુરતના રીંગ રોડ વિસ્તારમાં ટેક્સટાઇલ માર્કેટમાં લાગી ભયાનક આગ
આ પણ વાંચો:સુરતમાં શિવ શક્તિ ટેક્સ્ટાઈલ માર્કેટમાં લાગેલી આગમાં મૃતક ભુલાયા
આ પણ વાંચો:સુરતના શિવશક્તિ ટેક્સટાઇલ માર્કેટમાં લાગેલી આગ હજુ બેકાબૂ
