Gujarat Weather Update: રાજ્યમાં હીટવેવને લઈને હવામાન વિભાગે ચેતવણી જાહેર કરી છે. કચ્છ અને સુરેન્દ્રનગર જિલ્લામાં ઓરેન્જ એલર્ટ જાહેર કરવામાં આવ્યું છે, જ્યારે બનાસકાંઠા, પાટણ અને અમરેલીમાં યલો એલર્ટ આપવામાં આવ્યું છે.
અમદાવાદ અને ગાંધીનગરમાં પણ યલો એલર્ટ જાહેર કરાયું છે. ઉપરાંત વડોદરા, સુરત, આણંદ, બોટાદ, રાજકોટ અને દ્વારકામાં પણ ગરમીને લઈને યલો એલર્ટ જાહેર કરવામાં આવ્યું છે.
રાજ્યના અનેક શહેરોમાં તાપમાન 44 ડિગ્રીને પાર પહોંચ્યું છે. સુરેન્દ્રનગરમાં સૌથી વધુ 45.5 ડિગ્રી અને કંડલામાં 45.4 ડિગ્રી તાપમાન નોંધાયું છે. અમદાવાદ, ગાંધીનગર અને અમરેલીમાં 44.3 ડિગ્રી તાપમાન રહ્યું હતું.
ડીસામાં 43.5 ડિગ્રી જ્યારે વડોદરામાં 43.6 ડિગ્રી તાપમાન નોંધાતા લોકોને ભારે ગરમીનો સામનો કરવો પડી રહ્યો છે. હવામાન વિભાગે આગામી દિવસોમાં બપોર દરમિયાન બહાર ન નીકળવાની અને પૂરતું પાણી પીવાની સલાહ આપી છે.
