Surat News : સુરતમાં ભાજપ (Surat BJP Leader Conspiracy Case)ના એક પૂર્વ કોર્પોરેટર અને તેમના પરિવારને સોશિયલ મીડિયા મારફતે બદનામ કરવાના કથિત ષડયંત્રનો મામલો સામે આવ્યો છે. વાયરલ થયેલા ફોટા અને વીડિયોના કારણે પરિવારને ભારે માનસિક તણાવનો સામનો કરવો પડ્યો હોવાનું સામે આવ્યું છે. આ ઘટનામાં નેતાના પુત્રે ઘરના પહેલા માળેથી કૂદી આત્મહત્યાનો પ્રયાસ કર્યો હોવાનો દાવો કરવામાં આવ્યો છે.
મળતી માહિતી મુજબ, ભાજપ નેતા (Surat BJP Leader Conspiracy Case)ના પુત્રના એક યુવતી સાથેના ફોટા અને વીડિયો સોશિયલ મીડિયા પર વાયરલ કરવામાં આવ્યા હતા. પરિવારનું કહેવું છે કે આ પોસ્ટ્સને કારણે ગંભીર માનસિક આઘાત પહોંચ્યો હતો, જેના પગલે પુત્રે આત્મઘાતી પગલું ભરવાનો પ્રયાસ કર્યો હતો. હાલમાં તેમની સારવાર અંગે સત્તાવાર માહિતી જાહેર કરવામાં આવી નથી.
Surat BJP Leader Conspiracy Case: સોશિયલ મીડિયા પોસ્ટ બાદ પોલીસ તપાસમાં નવા ખુલાસા
આ સમગ્ર મામલે સિંગણપોર પોલીસે તપાસ શરૂ કર્યા બાદ કેસમાં નવો વળાંક આવ્યો છે. પોલીસ તપાસમાં સામે આવેલા પ્રાથમિક તારણો મુજબ, નેતાના પુત્રની પત્ની માનસી સામે કથિત રીતે સમગ્ર ષડયંત્ર રચ્યાના આરોપોની તપાસ ચાલી રહી છે.
તપાસ દરમિયાન પોલીસને મળેલી માહિતી અનુસાર, પત્નીનું અન્ય વ્યક્તિ સાથે સંબંધ હોવાની શંકા અને તે સંબંધિત અગાઉ આપવામાં આવેલી લેખિત બાંહેધરીને લઈને વિવાદ સર્જાયો હતો. પોલીસના દાવા મુજબ, આ દસ્તાવેજ પાછો મેળવવા માટે પતિ અને તેમના પરિવારને બદનામ કરવાનો પ્રયાસ કરવામાં આવ્યો હોવાની દિશામાં તપાસ ચાલી રહી છે.
હાલ સિંગણપોર પોલીસે સંબંધિત કલમો હેઠળ ગુનો નોંધી વધુ તપાસ હાથ ધરી છે. સોશિયલ મીડિયા પર વાયરલ કરાયેલા કન્ટેન્ટ, ડિજિટલ પુરાવા અને અન્ય સંબંધિત વિગતોના આધારે સમગ્ર મામલાની તપાસ આગળ વધારવામાં આવી રહી છે. તપાસ પૂર્ણ થયા બાદ જ તમામ તથ્યો સ્પષ્ટ થશે.
આ પણ વાંચો:ભાજપના નેતા રજની પટેલે કર્યો આપઘાત
આ પણ વાંચો:વડોદરામાં ભાજપ યુવા મોરચાના પ્રમુખનું મોત, પરિવારના ગંભીર આક્ષેપો બાદ તપાસ શરૂ
આ પણ વાંચો:સુરત: પૂર્વ મંત્રી નાનુ વાનાણીનો પત્ર વાયરલ! ‘ભાજપનાં સંસ્કારો બદલાઈ રહ્યાં છે’
