Pakistan News: વેનેઝુએલા બાદ આજે (શનિવારે) પાકિસ્તાનમાં સવારે ભૂકંપના જોરદાર આંચકાઓ અનુભવાતા અનેક વિસ્તારોમાં લોકો ગભરાઈને ઘરો અને ઇમારતોમાંથી બહાર દોડી આવ્યા હતા. યુરોપિયન-મેડિટેરેનિયન સિસ્મોલોજિકલ સેન્ટર (EMSC)ના જણાવ્યા અનુસાર ભૂકંપની તીવ્રતા રિક્ટર સ્કેલ પર 5.4 નોંધાઈ હતી.
અહેવાલ મુજબ ભૂકંપનું કેન્દ્ર જમીનની અંદર આશરે 35 કિલોમીટર ઊંડાઈએ હતું. પ્રાથમિક માહિતી અનુસાર ભૂકંપના કારણે કોઈ જાનહાનિ કે મોટા પાયે સંપત્તિના નુકસાનના અહેવાલ સામે આવ્યા નથી. જોકે સ્થાનિક તંત્ર પરિસ્થિતિ પર સતત નજર રાખી રહ્યું છે.
