ફીફા વર્લ્ડ કપ 2026 ની મહાફાઇનલમાં સ્પેને (Spain )અર્જેન્ટીનાને વધારાના સમયમાં 1-0થી માત આપીને બીજી વખત વિશ્વ વિજેતા બનવાનું ગૌરવ હાંસલ કર્યું છે. મેચ પૂરી થવાની વ્હિસલ વાગતાની સાથે જ અર્જેન્ટીનાના સુપ્રસિદ્ધ કપ્તાન લિયોનેલ મેસી પોતાના આવેગને રોકી શક્યા નહોતા અને મેદાન પર જ રડી પડ્યા હતા. 39 વર્ષીય મેસીની આ સંભવિત આખરી વર્લ્ડ કપ મેચ જીત સાથે નહીં પરંતુ એક અત્યંત ભાવુક હાર સાથે પૂર્ણ થઈ હતી.
ન્યૂયોર્કના મેટલાઇફ સ્ટેડિયમમાં રમાયેલી આ યાદગાર ફાઇનલમાં સ્પેને અસાધારણ રમતનું પ્રદર્શન કર્યું હતું. સ્ટેડિયમમાં હાજર હજારો દર્શકોએ ભાવુક બનીને આ મહાન ફૂટબોલરને વિદાય આપી હતી.
સ્પેનની વ્યૂહરચના સામે મેસી અસહાય
આખી ટૂર્નામેન્ટમાં 8 ગોલ અને 4 આસિસ્ટ કરનાર મેસી ફાઇનલમાં સ્પેનિશ ડિફેન્સ સામે નિષ્ફળ રહ્યા હતા. કોચ લુઇસ દે લા ફુએન્ટેની ટીમે મિડફીલ્ડ પર સંપૂર્ણ કબજો જમાવી રાખ્યો હતો. અર્જેન્ટીનાની મુશ્કેલીઓ ત્યારે વધી જ્યારે એન્ઝો ફર્નાન્ડીઝને બીજો યલો કાર્ડ મળતાં મેદાન છોડવું પડ્યું હતું.
ફેરાન ટોરેસનો નિર્ણાયક ગોલ
મેચનો એકમાત્ર નિર્ણાયક ગોલ વધારાના સમયની 106મી મિનિટે આવ્યો હતો. પેડ્રો પોરો અને નિકો વિલિયમ્સની શાનદાર મૂવ બાદ સબ્સ્ટિટ્યૂટ ખેલાડી ફેરાન ટોરેસે હાફ-વોલી દ્વારા બોલને ગોલપોસ્ટમાં ધકેલી દીધો હતો. મેસીએ અંતિમ મિનિટોમાં વાપસીનો પ્રયાસ કર્યો પરંતુ સ્પેને 1-0ની સરસાઈ જાળવી રાખી.
મેસીના નામે બે ઐતિહાસિક રેકોર્ડ
હાર છતાં મેસીએ ફાઇનલમાં રમતાની સાથે જ બે મોટા કીર્તિમાન રચ્યા
વર્લ્ડ કપની ૩ ફાઇનલ રમનાર વિશ્વના માત્ર બીજા ખેલાડી બન્યા
39 વર્ષની ઉંમરે વર્લ્ડ કપ ફાઇનલ રમનાર સૌથી મોટી ઉંમરના આઉટફીલ્ડ પ્લેયર બન્યા
આ પણ વાંચો:લિયોનેલ મેસી સાથે બખડનાર પ્લેયરની ગર્લફ્રેન્ડ થઈ ભયંકર ટ્રોલ, કેમેરા સામે છલકાયા આંસુ
