New Delhi News: કેન્દ્ર સરકારે વિરોધ કરી રહેલા CJP પ્રતિનિધિમંડળને ચર્ચા માટે આમંત્રણ આપ્યું છે. કેન્દ્રીય આરોગ્ય મંત્રી જેપી નડ્ડાના કાર્યાલય અથવા નિવાસસ્થાને બેઠક (JP Nadda Meeting) યોજવાનો પ્રસ્તાવ આપવામાં આવ્યો હતો. કેન્દ્રીય મંત્રી જિતેન્દ્ર સિંહે જણાવ્યું કે સરકાર ચાર વખત સંપર્ક કરવાનો પ્રયાસ કરી ચૂકી છે અને વિદ્યાર્થીઓના હિતમાં ચર્ચા કરવા તૈયાર છે.
‘જેપી નડ્ડાના ઘરે નહીં જઈએ’ : CJPનો સ્પષ્ટ ઇનકાર
#WATCH | Delhi: Saurav Das, Chief Spokesperson, Cockroach Janta Party, says, “Union Minister Jitendra Singh said that we can hold talks anywhere; then we have already made our suggestion. Come to Jantar Mantar or to a neutral venue like the Constitution Club of India. We will… pic.twitter.com/US6JNf1al2
— ANI (@ANI) July 23, 2026
સરકારના આમંત્રણને CJPએ નકારી કાઢ્યું છે. સંગઠનનું કહેવું છે કે તેઓ જેપી નડ્ડાના નિવાસસ્થાન કે કાર્યાલયમાં ચર્ચા કરવા નહીં જાય(CJP Rejects Meeting) સરકાર જો ખરેખર ચર્ચા ઇચ્છતી હોય તો જંતર-મંતર અથવા અન્ય કોઈ તટસ્થ સ્થળે બેઠક યોજવી જોઈએ.
જંતર-મંતર અથવા કોન્સ્ટિટ્યુશન ક્લબમાં બેઠકની માંગ
CJPના મુખ્ય પ્રવક્તા સૌરવ દાસે જણાવ્યું કે કેન્દ્રીય મંત્રી જિતેન્દ્ર સિંહે ગમે ત્યાં ચર્ચા કરવાની તૈયારી દર્શાવી છે, તેથી સરકાર જંતર-મંતર (Jantar Mantar Protest) અથવા કોન્સ્ટિટ્યુશન ક્લબ ઓફ ઈન્ડિયા જેવા તટસ્થ સ્થળે આવે. તેમણે કહ્યું કે હજુ સુધી સરકાર તરફથી આ અંગે કોઈ નવી માહિતી મળી નથી.
‘સરકારે મીડિયા સ્ટંટ નહીં, સીધી વાતચીત કરવી જોઈએ’
સૌરવ દાસે સરકાર પર આક્ષેપ કરતાં કહ્યું કે હજારો વિદ્યાર્થીઓ તડકો અને વરસાદ વચ્ચે વિરોધ કરી રહ્યા છે. સરકાર ફોટો-ઓપ અને મીડિયા સ્ટંટને બદલે સીધા વિરોધીઓ સાથે વાતચીત કરે, બેઠકનું સ્થળ અને સમય નક્કી કરે તેમજ ચર્ચાની પ્રક્રિયા શરૂ કરે.
PMના નિવેદન પર પણ CJPનો પ્રહાર
પેપર લીકના આરોપીઓને ઝડપી સજા આપવા માટે ફાસ્ટ-ટ્રેક કોર્ટની વાત પર CJPએ અસંતોષ વ્યક્ત કર્યો છે. સંગઠનનું કહેવું છે કે માત્ર જાહેરાતોથી સમસ્યાનો ઉકેલ નહીં આવે. જવાબદારી નક્કી કરવી જરૂરી છે અને કેન્દ્રીય શિક્ષણ મંત્રી ધર્મેન્દ્ર પ્રધાનના રાજીનામાની તેમની માંગ યથાવત છે.
સરકારનો દાવો: દરેક મુદ્દે ચર્ચા કરવા તૈયાર છીએ
કેન્દ્રીય મંત્રી જિતેન્દ્ર સિંહે જણાવ્યું કે સરકાર કોઈપણ સમયે અને તમામ મુદ્દાઓ પર ચર્ચા કરવા તૈયાર છે. તેમણે કહ્યું કે બેઠક જેપી નડ્ડાના કાર્યાલય અથવા નિવાસસ્થાને યોજી શકાય છે અને તેમાં તેઓ તથા જેપી નડ્ડા બંને હાજર રહેશે. સરકારનો પ્રયાસ વાતચીત દ્વારા ઉકેલ લાવવાનો છે અને વિદ્યાર્થીઓને ચર્ચામાં જોડાવા અપીલ કરવામાં આવી છે.
આ પણ વાંચો: NEET પેપર લીક મુદ્દે મોદી સરકાર સામે કોક્રોચનો હુમલો: ‘આ તો હાડકું ભાંગ્યું હોય ત્યાં બેન્ડ-એડ લગાવવા જેવું’
આ પણ વાંચો: PM મોદીની ફાસ્ટ-ટ્રેક કોર્ટની જાહેરાત પર CJPનો પલટવાર; કહ્યું- ‘આ તો ફ્રેક્ચર પર બેન્ડ-એડ લગાવવા જેવું છે’
આ પણ વાંચો: દિલ્હીના જંતર-મંતર પર પોલીસ અને પ્રદર્શનકારીઓ વચ્ચે ઘર્ષણ, ACP ઘાયલ; 16 મેટ્રો સ્ટેશન બંધ
