Gandhinagar News : ગાંધીનગરના ભાઈજીપુરા વિસ્તારમાં નીલગાયની (Bhaijipura Nilgai Case) ગોળી મારી હત્યા કરવામાં આવ્યાની ઘટનાથી ખળભળાટ મચી ગયો છે. સુષ્ટી બંગ્લોઝ અને હોટલ રોયલ એમ્પાયર પાછળ આવેલા ખુલ્લા વિસ્તારમાં બાઈક પર આવેલા ત્રણ અજાણ્યા શખસોએ નીલગાય પર ફાયરિંગ કર્યું હોવાનું સામે આવ્યું છે. ઘટના બાદ ત્રણેય આરોપીઓ સ્થળ પરથી ફરાર થઈ ગયા હતા. સમગ્ર મામલે વન વિભાગે ગુનો નોંધી તપાસ શરૂ કરી છે.
Bhaijipura Nilgai Case બાઈકસવાર શખસોએ કર્યું ફાયરિંગ
પ્રાથમિક માહિતી મુજબ, પલ્સર બાઈક પર આવેલા ત્રણ શખસોએ અચાનક નીલગાયને નિશાન બનાવી ગોળીબાર કર્યો હતો. ગોળીબારનો અવાજ સાંભળતાં જ આસપાસના સ્થાનિક લોકો ઘટનાસ્થળે દોડી આવ્યા હતા. જોકે, લોકો પહોંચે તે પહેલાં જ આરોપીઓ બાઈક પર ફરાર થઈ ગયા હતા. સ્થાનિકોના જણાવ્યા મુજબ ઘટનાસ્થળે ત્રણ રાઉન્ડ ફાયરિંગનો અવાજ સંભળાયો હતો.
એક ગોળી વાગતા નીલગાયનું મોત
ફાયરિંગ દરમિયાન નીલગાય (Bhaijipura Nilgai Case)ને એક ગોળી વાગી હતી, જેના કારણે તે ગંભીર રીતે ઘાયલ થઈ ગઈ હતી અને થોડા જ સમયમાં તેનું ઘટનાસ્થળે મોત નીપજ્યું હતું. ઘટનાની જાણ થતાં વન વિભાગ અને સ્થાનિક પોલીસની ટીમ તાત્કાલિક સ્થળ પર પહોંચી તપાસ શરૂ કરી હતી.વન વિભાગના અધિકારીઓએ જણાવ્યું કે નીલગાય (Bhaijipura Nilgai Case)ના મૃતદેહનું નિરીક્ષણ કરતાં ગોળી વાગ્યાના પ્રાથમિક પુરાવા મળ્યા છે. આ મામલે વન્યજીવ સંરક્ષણ કાયદા હેઠળ ગુનો નોંધવામાં આવ્યો છે અને આરોપીઓને ઝડપી પાડવા માટે કાર્યવાહી શરૂ કરવામાં આવી છે.
FSL અને CCTVની મદદથી તપાસ
ઘટનાની ગંભીરતાને ધ્યાનમાં રાખીને વન વિભાગે ફોરેન્સિક સાયન્સ લેબોરેટરી (FSL)ની મદદ લીધી છે. નિષ્ણાત ટીમે ઘટનાસ્થળેથી જરૂરી નમૂનાઓ એકત્ર કર્યા છે જેથી વપરાયેલા હથિયાર અને ગોળી અંગે વધુ માહિતી મેળવી શકાય.સાથે જ ભાઈજીપુરા અને આસપાસના વિસ્તારોમાં લાગેલા CCTV કેમેરાના ફૂટેજ પણ તપાસવામાં આવી રહ્યા છે, જેથી આરોપીઓની ઓળખ કરી તેમને ઝડપથી કાયદાના ભોગે લાવી શકાય.
સુરક્ષા અને વન્યજીવ સંરક્ષણ અંગે ઉઠ્યા સવાલ
રહેણાંક વિસ્તારની નજીક જાહેર સ્થળે ફાયરિંગ કરીને વન્યજીવની હત્યા કરાયાની ઘટનાએ સ્થાનિકોમાં ચિંતા ફેલાવી છે. વન્યજીવોના સંરક્ષણ અને જાહેર સુરક્ષા અંગે પણ અનેક સવાલો ઊભા થયા છે. હાલ સમગ્ર મામલે વન વિભાગ અને પોલીસ દ્વારા સંયુક્ત તપાસ ચાલી રહી છે.
આ પણ વાંચો:ગર્ભવતી ગાયની ક્રૂરતાપૂર્વક હત્યાથી ચકચાર, 3ની ધરપકડ
આ પણ વાંચો:ગૌ હત્યા બંધ કરો, કતલખાના સીલ કરો : છોટાઉદેપુરમાં વેપારીઓએ બંધ પાળી, આવેદન આપી કરી માગ
આ પણ વાંચો:અમદાવાદ કોર્ટનો ઐતિહાસિક ચુકાદો, ગૌહત્યારાને ફટકારાઈ 7 વર્ષની સજા
