Gandhinagar News: ગાંધીનગર મહાનગરપાલિકાની આગામી ચૂંટણી પહેલા રાજ્ય ચૂંટણી આયોગે 27 ટકા OBC અનામતના અમલ સાથે તમામ 11 વોર્ડની 44 બેઠકો માટે નવું રોટેશન (Municipal Election Rotation) જાહેર કર્યું છે. નવા રોટેશન બાદ શહેરના રાજકીય સમીકરણોમાં મોટો ફેરફાર જોવા મળી રહ્યો છે. અનેક વર્તમાન કોર્પોરેટરો અને પદાધિકારીઓ માટે પોતાની બેઠક જાળવી રાખવાનો પડકાર ઊભો થયો છે.
Municipal Election Rotation: સિટીંગ કોર્પોરેટરોનું ગણિત બગડ્યું
નવી અનામત વ્યવસ્થાના કારણે ઘણા વર્તમાન કોર્પોરેટરોને પોતાના જ વોર્ડમાંથી (Gandhinagar Election 2026) ચૂંટણી લડવાની તક ગુમાવવાનો વારો આવી શકે છે. કેટલાક નેતાઓને નવા વોર્ડમાંથી ( Ward Rotation) દાવેદારી કરવી પડશે, જ્યારે કેટલાક માટે ટિકિટ મેળવવી પણ મુશ્કેલ બની શકે છે. રાજકીય પક્ષોમાં ઉમેદવારીને લઈને અંદરખાને ચર્ચાઓ તેજ બની ગઈ છે.
વોર્ડ નંબર 2 અને 3માં બદલાઈ બેઠકોની સ્થિતિ
નવા રોટેશન મુજબ વોર્ડ નંબર 2 અને 3માં અગાઉની સામાન્ય બેઠકોમાંથી કેટલીક બેઠકો હવે SC મહિલા અને OBC માટે અનામત (OBC Reservation ) કરવામાં આવી છે. પરિણામે સામાન્ય વર્ગના ઉમેદવારો માટે ઉપલબ્ધ બેઠકોમાં ઘટાડો થયો છે, જેના કારણે અહીં દાવેદારો વચ્ચે સ્પર્ધા વધુ તીવ્ર બનવાની શક્યતા છે.
વોર્ડ નંબર 6માં સૌથી મોટો ફેરફાર
વોર્ડ નંબર 6માં ચાર બેઠકોમાંથી ત્રણ બેઠકો અનામત વર્ગ માટે ફાળવવામાં આવી છે. અહીં એક બેઠક ST મહિલા, એક OBC મહિલા અને એક SC માટે અનામત રાખવામાં આવી છે. માત્ર એક બેઠક સામાન્ય વર્ગ માટે ઉપલબ્ધ હોવાથી આ વોર્ડમાં રાજકીય સમીકરણો સંપૂર્ણપણે બદલાઈ ગયા છે.
અન્ય વોર્ડમાં પણ અનામતનો પ્રભાવ
વોર્ડ નંબર 7, 8 અને 9 સહિત અન્ય વિસ્તારોમાં પણ અનામતના કારણે બેઠકોના સ્વરૂપમાં ફેરફાર થયો છે. સામાન્ય કેટેગરીની કેટલીક બેઠકો હવે SC અથવા OBC અનામત હેઠળ આવતાં રાજકીય પક્ષોને ઉમેદવારોની પસંદગીમાં નવા સમીકરણો ગોઠવવા પડશે.
44માંથી 22 બેઠકો મહિલાઓ માટે અનામત
નવા રોટેશન અનુસાર કુલ 44 બેઠકોમાંથી 22 બેઠકો મહિલાઓ માટે અનામત રાખવામાં આવી છે. OBC માટે કુલ 12 બેઠકો ફાળવવામાં આવી છે, જેમાં 6 મહિલા ઉમેદવારો માટે અનામત છે. સામાન્ય વર્ગ માટે 26 બેઠકો રહેશે, જેમાંથી 13 મહિલા માટે અનામત છે. ઉપરાંત SC માટે 5 બેઠકો અને ST માટે 1 મહિલા અનામત બેઠક નક્કી કરવામાં આવી છે.
OBC અને મહિલા ઉમેદવારો માટે નવી તક
નવી અનામત વ્યવસ્થાથી OBC સમાજ અને મહિલા ઉમેદવારો માટે સ્થાનિક રાજકારણમાં પ્રવેશવાની નવી તકો ઊભી થઈ છે. રાજકીય પક્ષો હવે નવા ચહેરાઓની શોધમાં લાગી ગયા છે અને યોગ્ય ઉમેદવારોની પસંદગી માટે આંતરિક ચર્ચાઓ તેજ બની છે.
ભાજપ-કોંગ્રેસ માટે ઉમેદવારી બનશે પડકાર
રાજકીય વિશ્લેષકોના મતે નવા રોટેશનને કારણે ભાજપ અને કોંગ્રેસ બંને પક્ષોને ઉમેદવારોની પસંદગીમાં ભારે કસરત કરવી પડશે. બદલાયેલા અનામત સમીકરણોને ધ્યાનમાં રાખીને ટિકિટ ફાળવવી સરળ નહીં હોય. કેટલાક વોર્ડમાં અસંતોષ અને બળવાની શક્યતાઓ પણ વ્યક્ત કરવામાં આવી રહી છે.રાજ્ય ચૂંટણી આયોગના નવા રોટેશન બાદ ગાંધીનગર મહાનગરપાલિકાની ચૂંટણી વધુ રસપ્રદ અને સ્પર્ધાત્મક બનવાની શક્યતા છે. હવે તમામની નજર રાજકીય પક્ષો ઉમેદવારોની પસંદગી કેવી રીતે કરે છે અને કયા નવા ચહેરાઓને તક મળે છે તેના પર રહેશે.
આ પણ વાંચો: ગુજરાત પવન ઊર્જામાં બન્યું દેશનું નંબર-1 રાજ્ય, 16,086 મેગાવોટ સ્થાપિત ક્ષમતા સાથે બનાવ્યો નવો રેકોર્ડ
આ પણ વાંચો: મારઝૂડનો વીડિયો વાયરલ, પત્નીએ પતિ અને ટ્યુશન શિક્ષિકા સાથેના અફેરનો કર્યો દાવો
આ પણ વાંચો: અમદાવાદ એરપોર્ટ પર રૂ. 35 લાખથી વધુના સોનાની દાણચોરીનો પર્દાફાશ
