જો તમે પણ ક્યારેય ભારતીય રેલ્વે (IndianRailways)ના એસી (ACCoach ) કોચમાં મુસાફરી (TrainTravel )કરી હશે, તો ચોક્કસપણે એ વાત પર ધ્યાન આપ્યું હશે કે પેસેન્જરને આપવામાં આવતી બેડરોલ કિટમાં 2 સફેદ ચાદર શામેલ હોય છે. સામાન્ય સ્લીપર કોચમાં આવું જોવા મળતું નથી. ઘણા લોકોના મનમાં પ્રશ્ન થાય છે કે એક ચાદર પૂરતી હોવા છતાં રેલ્વે બે ચાદર કેમ આપે છે? શું આ માત્ર વધારાની સુવિધા છે કે તેની પાછળ કોઈ ખાસ લોજિક રહેલું છે? વાસ્તવમાં, આ નિર્ણય પાછળ મુસાફરોની સ્વચ્છતા અને આરોગ્ય સાથે જોડાયેલું મહત્વનું કારણ છે.
બે ચાદર આપવા પાછળનું સાચું લોજિક અને તેનો ઉપયોગ
રેલ્વે દ્વારા આપવામાં આવતી બે ચાદરનો ઉપયોગ અલગ-અલગ હેતુ માટે કરવાનો હોય છે. પહેલી ચાદર બર્થ અથવા સીટ પર બિછાવવા માટે આપવામાં આવે છે, જેથી મુસાફરનું શરીર સીધું સીટના સંપર્કમાં ન આવે. જ્યારે બીજી ચાદર ઓઢવા માટે આપવામાં આવતા ગરમ ધાબળા (કંબલ) ની બરાબર નીચે રાખવાની હોય છે. આ રીતે બીજી ચાદર ઓઢીને તેના પર ધાબળો ઓઢવાથી ધાબળો મુસાફરના શરીરને સ્પર્શતો નથી.
ધાબળાની સફાઈ અને મુસાફરોની હાઇજીન સુરક્ષા
રેલ્વેમાં વપરાતી ચાદરોને દરેક મુસાફરી બાદ નિયમિત ધોવામાં આવે છે, પરંતુ ધાબળા દરરોજ ધોવા શક્ય હોતા નથી. ધાબળા અમુક ચોક્કસ સમયગાળા બાદ જ સાફ કરવામાં આવે છે. આ પરિસ્થિતિમાં, બેક્ટેરિયા કે ઈન્ફેક્શનથી બચવા અને સ્કીન હાઇજીન જાળવી રાખવા માટે બીજી ચાદર ‘સુરક્ષા કવચ’ તરીકે કામ કરે છે, જેથી કોઈ મુસાફર બીમાર ન પડે.
ક્યારે અને કેવી રીતે થાય છે બેડરોલના સાધનોની સફાઈ?
રેલ્વેના નિયમો (RailwayRules )અનુસાર, ચાદર અને તકિયાના કવર દરેક ટ્રિપ પછી ધોવામાં આવે છે. જ્યારે રૂમાલ (ટુવાલ) અને તકિયાના કવરને દર 9 મહિને સંપૂર્ણપણે બદલી અથવા ઊંડાણપૂર્વક સાફ કરવામાં આવે છે. આ ઉપરાંત, ઊની ધાબળા (કંબલ) અને તકિયાને વર્ષમાં એકવાર અથવા જરૂરિયાત મુજબ ડ્રાય ક્લીન અને સાફ કરવામાં આવે છે. તેથી, બીજી ચાદરનો સાચો ઉપયોગ કરવો મુસાફરી દરમિયાન સ્વાસ્થ્ય માટે અત્યંત જરૂરી છે.
આ પણ વાંચો :વાત-વાતમાં બ્લડ ટેસ્ટ કરાવવાની આદત છે? જાણો બિનજરૂરી રક્ત પરીક્ષણથી થતા નુકસાન!
આ પણ વાંચો :ચોમાસામાં જાંબુનું સેવન ડાયાબિટીસમાં આપે છે સંજીવની સમાન રાહત: જાણો નિષ્ણાતોનો અભિપ્રાય
