Ahmedabad News: ગુજરાતમાં હાલ એકસાથે ત્રણ વરસાદી સિસ્ટમ સક્રિય થતાં રાજ્યના અનેક વિસ્તારોમાં વરસાદી માહોલ જામ્યો છે. સૌરાષ્ટ્ર અને દક્ષિણ ગુજરાત સહિતના વિસ્તારોમાં હળવાથી ભારે વરસાદ (Ahmedabad Heavy Rain) નોંધાઈ રહ્યો છે. હવામાન વિભાગે રાજ્યમાં 15 સપ્ટેમ્બર સુધી ભારેથી અતિભારે વરસાદની આગાહી કરી છે. આ દરમિયાન અમદાવાદમાં પણ રવિવાર, 13 સપ્ટેમ્બરના રોજ વરસાદે જોર પકડ્યું હતું. શહેરમાં કાળા-ડિબાંગ વાદળો છવાયા હતા અને વીજળીના કડાકા-ભડાકા સાથે અનેક વિસ્તારોમાં ધોધમાર વરસાદ વરસ્યો હતો.

અમદાવાદમાં વરસાદની ધમાકેદાર એન્ટ્રી

13 સપ્ટેમ્બરના રોજ અમદાવાદ માટે વરસાદનું ઓરેન્જ એલર્ટ જાહેર કરવામાં આવ્યું છે. સવારથી શહેરમાં વાદળછાયું વાતાવરણ જોવા મળ્યું હતું. ગત રાત્રે પણ અમદાવાદના કેટલાક વિસ્તારોમાં વરસાદ પડ્યો હતો. રવિવારે બપોર બાદ વરસાદે (Ahmedabad Heavy Rain) ફરી જોર પકડ્યું હતું. નવાવાડજ, રાણીપ, જગતપુર, એસજી હાઇવે, ગોતા, મકરબા, જુહાપુરા, સરખેજ અને આનંદનગર સહિતના વિસ્તારોમાં વરસાદી માહોલ જોવા મળ્યો હતો. અનેક વિસ્તારોમાં વીજળીના કડાકા-ભડાકા સાથે ભારે વરસાદ પડ્યો હતો.

અમદાવાદમાં ક્યાં કેટલો વરસાદ પડ્યો?

આજે સવારે 6 વાગ્યાથી સાંજે 5 વાગ્યા સુધીમાં અમદાવાદ શહેરમાં સરેરાશ 1.05 ઇંચ વરસાદ નોંધાયો હતો. શહેરના અલગ-અલગ વિસ્તારોમાં વરસાદ (Ahmedabad Heavy Rain)ના પ્રમાણમાં નોંધપાત્ર તફાવત જોવા મળ્યો હતો.

Ahmedabad Heavy Rain: અમદાવાદના વધુ વરસાદવાળા વિસ્તારોની યાદી:

હંસપુરા: 2.54 ઇંચ

મોટેરા: 2.20 ઇંચ

નરોડા: 2.15 ઇંચ

દુધેશ્વર: 1.95 ઇંચ

સરદારનગર: 1.91 ઇંચ

નિકોલ: 1.81 ઇંચ

રાણીપ: 1.69 ઇંચ

ચાંદખેડા: 1.65 ઇંચ

નવરંગપુરા: 1.59 ઇંચ

કઠવાડા: 1.48 ઇંચ

આ આંકડા મુજબ હંસપુરામાં સૌથી વધુ 2.54 ઇંચ વરસાદ નોંધાયો હતો. ત્યારબાદ મોટેરા અને નરોડામાં અનુક્રમે 2.20 અને 2.15 ઇંચ વરસાદ પડ્યો હતો.

ઉત્તર અને પશ્ચિમ અમદાવાદમાં વરસાદનું વધુ જોર

વરસાદ દરમિયાન અમદાવાદના ઉત્તર, ઉત્તર-પશ્ચિમ અને પૂર્વ વિસ્તારોમાં વરસાદ (Ahmedabad Heavy Rain)નું પ્રમાણ શહેરની સરેરાશ કરતાં વધારે રહ્યું હતું. મોટેરા, રાણીપ અને ચાંદખેડા જેવા વિસ્તારોમાં પણ નોંધપાત્ર વરસાદ થયો હતો. મધ્ય ઝોનના દુધેશ્વરમાં 1.95 ઇંચ અને પૂર્વ વિસ્તારમાં નિકોલમાં 1.81 ઇંચ વરસાદ નોંધાયો હતો. કઠવાડામાં પણ 1.48 ઇંચ વરસાદ પડ્યો હતો. મળતી માહિતી પ્રમાણે, આ સમયગાળાનો મોટાભાગનો વરસાદ બપોરે 2 વાગ્યાથી સાંજે 5 વાગ્યા દરમિયાન નોંધાયો હતો.

ગુજરાતમાં 168 તાલુકામાં વરસાદ

ગાંધીનગર સ્થિત સ્ટેટ ઇમરજન્સી ઓપરેશન સેન્ટર (SEOC)ના આંકડા પ્રમાણે, રવિવારે 13 સપ્ટેમ્બરના રોજ સવારે 6 વાગ્યાથી બપોરે 4 વાગ્યા સુધીમાં રાજ્યના 168 તાલુકામાં વરસાદ નોંધાયો હતો. રાજ્યમાં ત્રણ વરસાદી સિસ્ટમ સક્રિય હોવાથી આગામી દિવસોમાં પણ વરસાદનું જોર યથાવત રહેવાની શક્યતા છે. હવામાન વિભાગે 15 સપ્ટેમ્બર સુધી ભારેથી અતિભારે વરસાદની આગાહી કરી હોવાથી લોકોને હવામાન વિભાગની સૂચનાઓ પર નજર રાખવાની સલાહ આપવામાં આવે છે.

અમદાવાદમાં હજુ વરસાદની શક્યતા

અમદાવાદમાં વરસાદી સિસ્ટમ સક્રિય રહેતા આગામી સમયમાં પણ વરસાદી ઝાપટાંથી લઈને ભારે વરસાદની સ્થિતિ સર્જાઈ શકે છે. શહેરમાં આજે પડેલા વરસાદને કારણે અનેક વિસ્તારોમાં વાતાવરણ ઠંડું બન્યું હતું અને લાંબા સમય બાદ ફરી એકવાર ચોમાસાએ જોરદાર હાજરી નોંધાવી હતી.

આ પણ વાંચો:અમદાવાદ સહિત અનેક જિલ્લાઓમાં વરસાદી ઝાપટાંની શક્યતા! દક્ષિણ ગુજરાત માટે યલો એલર્ટ

આ પણ વાંચો:ગુજરાતમાં વરસાદનો કહેર કે રાહત? અમદાવાદમાં પાણી ભરાયા, વલસાડનો છીપવાડ અંડરપાસ ફરી બંધ

આ પણ વાંચો:ગુજરાતમાં વરસાદનું જોર વધશે: અમદાવાદમાં ઓરેન્જ એલર્ટ, અનેક જિલ્લામાં ભારે વરસાદની આગાહી