Pakistan Airstrikes Afghanistan Paktika Kunar Provinces:  અફઘાનિસ્તાન અને પાકિસ્તાન વચ્ચે ચાલી રહેલા તણાવ વચ્ચે અફઘાનિસ્તાનના પૂર્વી વિસ્તારોમાં હવાઈ હુમલાની ઘટના સામે આવી છે. અહેવાલો અનુસાર પાકિસ્તાની ફાઇટર જેટ્સે પક્તિકા અને કુનાર પ્રાંતમાં વહેલી સવારે લગભગ 3થી 4 વાગ્યાની વચ્ચે એરસ્ટ્રાઈક કરી હતી. પ્રાથમિક માહિતી મુજબ કુનારમાં ત્રણ લોકોનાં મોત થયા છે, જ્યારે અનેક લોકો ઘાયલ થયા હોવાના અહેવાલ છે. બીજી તરફ પક્તિકાના બર્મલ જિલ્લામાં થયેલા હુમલામાં કોઈ જાનહાનિ થઈ નથી.

બર્મલમાં ખાલી મકાન અને જૂની દુકાન નિશાન પર

પક્તિકા પ્રાંતના બર્મલ જિલ્લામાં બે અલગ-અલગ સ્થળે બોમ્બમારો(Pakistan Airstrike) કરવામાં આવ્યો હોવાની માહિતી સામે આવી છે. સ્થાનિક અહેવાલો અનુસાર એક ખાલી મકાન અને એક જૂની દુકાનને નિશાન બનાવવામાં આવી હતી. બંને સ્થળે તે સમયે કોઈ વ્યક્તિ હાજર ન હોવાથી જાનહાનિ ટળી હોવાનું જણાવાઈ રહ્યું છે. જોકે, હુમલાથી થયેલા નુકસાન અંગેની સંપૂર્ણ માહિતી હજુ સામે આવી નથી.

કુનારમાં ત્રણનાં મોત

કુનાર પ્રાંતમાં થયેલા હુમલામાં(Pakistan Airstrike) ત્રણ લોકોનાં મોત અને અનેક લોકો ઘાયલ થયાની પ્રાથમિક માહિતી છે. સ્થાનિક અધિકારીઓ અને અહેવાલો દ્વારા આ ઘટનાની પુષ્ટિ કરવામાં આવી છે. હુમલા વહેલી સવારે થયા હોવાથી લોકો ઊંઘમાં હતા, જેના કારણે ઘટનાને લઈને ચિંતા વધી છે. હવાઈ હુમલાની સંપૂર્ણ અસર અને નુકસાનનું આકલન હજુ ચાલી રહ્યું છે.

આતંકવાદી ઠેકાણાંનો પાકિસ્તાનનો દાવો

પાકિસ્તાન(Pakistan Airstrike) લાંબા સમયથી આરોપ લગાવતું આવ્યું છે કે અફઘાનિસ્તાનની ધરતીનો ઉપયોગ પાકિસ્તાન વિરોધી આતંકવાદી સંગઠનો દ્વારા કરવામાં આવે છે. આવા હુમલાઓને પાકિસ્તાન સુરક્ષા કાર્યવાહી તરીકે રજૂ કરતું રહ્યું છે. બીજી તરફ અફઘાન પક્ષ સરહદ પારના હવાઈ હુમલાઓને પોતાની સંપ્રભુતાનું ઉલ્લંઘન ગણાવતો રહ્યો છે.

કયા ફાઇટર જેટ્સનો ઉપયોગ થયો?

હાલમાં આ હુમલામાં કયા ચોક્કસ વિમાન કે હથિયારોનો ઉપયોગ થયો તેની સત્તાવાર માહિતી જાહેર કરવામાં આવી નથી. કેટલાક અહેવાલોમાં નીચી ઊંચાઈએ ઉડતા વિમાનોનો ઉલ્લેખ છે, પરંતુ હુમલામાં JF-17, F-16 કે J-10માંથી કયું વિમાન વપરાયું તેની પુષ્ટિ થઈ નથી. આ ઘટનાથી બંને દેશો વચ્ચેનો તણાવ વધુ વધી શકે છે. હાલમાં મૃતકો અને ઘાયલોની સંખ્યા અંગે મળતી માહિતી પ્રાથમિક છે અને આગામી અહેવાલોમાં આ આંકડા બદલાઈ શકે છે.

આ પણ વાંચો:સુદાનમાં એક સપ્તાહમાં બે સોનાની ખાણ ધસી પડી, 93નાં મોત; અનેક શ્રમિકો કાટમાળમાં ફસાયા

આ પણ વાંચો:ઉત્તર કોરિયાએ ફરી બેલેસ્ટિક મિસાઇલ છોડી, જાપાનમાં પડી; દક્ષિણ કોરિયાએ બોલાવી NSC બેઠક

આ પણ વાંચો:રશિયામાં ચૂંટણીના અંતિમ દિવસે મોસ્કોની ઓઇલ રિફાઇનરી પર ડ્રોન હુમલો, આગથી ખળભળાટ