Vadodara News : વડોદરા શહેરમાં નશીલા પદાર્થોના ગેરકાયદેસર વેચાણ અને હેરાફેરી સામે પોલીસે કાર્યવાહી તેજ કરી છે. કારેલીબાગ સર્વેલન્સ (Karelibaug Ganja Seized) સ્ક્વોડની ટીમે ઈન્દિરાનગર ઝૂંપડપટ્ટી વિસ્તારમાં દરોડા જેવી કાર્યવાહી કરી એક શખ્સને ગાંજાના જથ્થા સાથે ઝડપી પાડ્યો છે. પ્રાથમિક પૂછપરછમાં આરોપી સુરતથી ગાંજો લાવી વડોદરામાં સ્થાનિક સ્તરે પહોંચાડવાનો હતો તેવી માહિતી સામે આવી છે. સમગ્ર મામલે પોલીસે NDPS (Karelibaug Police) એક્ટ હેઠળ ગુનો નોંધી ગાંજાના સપ્લાય અને ડિસ્ટ્રિબ્યુશન સાથે જોડાયેલા અન્ય લોકોની શોધખોળ શરૂ કરી છે.
ઈન્દિરાનગર ઝૂંપડપટ્ટીમાંથી આરોપી ઝડપાયો
કારેલીબાગ સર્વેલન્સ સ્ક્વોડની પોલીસ ટીમ પેટ્રોલિંગમાં હતી તે દરમિયાન ઈન્દિરાનગર ઝૂંપડપટ્ટી વિસ્તારમાં શંકાસ્પદ હિલચાલના આધારે એક શખ્સને ઝડપી પાડ્યો હતો. તપાસ દરમિયાન તેની પાસેથી ગાંજાનો જથ્થો મળી આવતાં પોલીસે તેની અટકાયત કરી હતી.
Karelibaug Ganja Seized: 65.93 ગ્રામ ગાંજો મળી આવ્યો
ઝડપાયેલા આરોપીની ઓળખ અબ્દુલ માજીદ ઉર્ફે સોનુ ઉર્ફે છેદી વહાબ ખાન પઠાણ, રહે. ઈન્દિરાનગર ઝૂંપડપટ્ટી, કારેલીબાગ તરીકે થઈ છે. પોલીસે આરોપીના પેન્ટના ખિસ્સામાંથી 65.93 ગ્રામ ગાંજો જપ્ત કર્યો હતો, જેની કિંમત આશરે રૂ.3,296 હોવાનું જાણવા મળ્યું છે. આ ઉપરાંત આરોપી પાસેથી રૂ.4,796ની રોકડ રકમ પણ મળી આવી હતી. પોલીસે ગાંજા અને રોકડ સહિતનો મુદ્દામાલ કબજે કરી વધુ તપાસ હાથ ધરી છે.
સુરતથી ગાંજો લાવ્યો હોવાની કબૂલાત
પોલીસની પ્રાથમિક પૂછપરછમાં આરોપી અબ્દુલ માજીદે ગાંજો (Ganja Smuggling Vadodara) સુરતથી લાવ્યો હોવાનું જણાવ્યું હોવાનું સામે આવ્યું છે. તેની પાસેથી મળેલી માહિતી પ્રમાણે સુરત રેલવે સ્ટેશન નજીક ફૂલ માર્કેટ પાસે એક અજાણ્યા શખ્સ પાસેથી તેણે ગાંજો મેળવ્યો હતો. ત્યારબાદ આ ગાંજો વડોદરા લાવી સ્થાનિક સ્તરે પહોંચાડવાનો હતો.
હુસેન કાદરમીયાને ગાંજો આપવાનો હતો
પોલીસ તપાસમાં વધુ એક મહત્વની વિગતો સામે આવી છે. આરોપી સુરતથી લાવેલો ગાંજો કારેલીબાગના કાસમઆલા કબ્રસ્તાન નજીક રહેતા હુસેન કાદરમીયા સુન્ની નામના શખ્સને પહોંચાડવાનો હતો તેવી માહિતી પોલીસને મળી છે. આ માહિતીના આધારે પોલીસે હવે ગાંજાના આ નેટવર્કમાં હુસેન કાદરમીયાની ભૂમિકા સહિત અન્ય કડીઓની તપાસ શરૂ કરી છે. પોલીસ માટે હવે ગાંજાનો જથ્થો આપનાર સુરતના અજાણ્યા શખ્સ સુધી પહોંચવું પણ મહત્વનું બન્યું છે. આરોપીની પૂછપરછ અને મળેલી વિગતોના આધારે પોલીસે સપ્લાય ચેઇનની વધુ તપાસ શરૂ કરી છે.
NDPS એક્ટ હેઠળ ગુનો નોંધાયો
સમગ્ર મામલે પોલીસે આરોપી અબ્દુલ માજીદ ઉપરાંત ગાંજો મંગાવનાર હુસેન કાદરમીયા સુન્ની અને સુરતના અજાણ્યા સપ્લાયર સામે NDPS એક્ટ હેઠળ ગુનો નોંધ્યો છે. સાથે જ નશીલા પદાર્થના આ નેટવર્કમાં અન્ય કોઈ વ્યક્તિ સંડોવાયેલી છે કે નહીં તે અંગે પણ તપાસ ચાલી રહી છે.
અન્ય આરોપીઓને ઝડપી પાડવા તપાસ તેજ
પોલીસે ઝડપાયેલા આરોપીની પૂછપરછના આધારે ગાંજાના સપ્લાય અને વિતરણ સાથે સંકળાયેલા અન્ય શખ્સોની શોધખોળ શરૂ કરી છે. સુરતથી વડોદરા સુધી ગાંજો કેવી રીતે પહોંચાડવામાં આવતો હતો અને સ્થાનિક સ્તરે કોને આપવામાં આવતો હતો તે સહિતની વિગતો મેળવવા તપાસનો ધમધમાટ શરૂ થયો છે. પોલીસની આ કાર્યવાહીથી વડોદરા શહેરમાં નશીલા પદાર્થોના ગેરકાયદેસર નેટવર્ક સામે વધુ કડક કાર્યવાહી થવાના સંકેતો મળી રહ્યા છે. તપાસ આગળ વધતાં આ નેટવર્ક સાથે સંકળાયેલા અન્ય નામો અને વિગતો પણ સામે આવી શકે છે.
આ પણ વાંચો: સુરતમાં દોઢ વર્ષના બાળકે ગળી લીધી ખુલ્લી સેફ્ટીપિન, સિવિલના તબીબોએ બચાવ્યો જીવ
આ પણ વાંચો: ST બસ બની કાળ! ભાવનગરમાં ફૂટપાથ પર બેઠેલી માતા-પુત્રીને કચડી, બંનેનાં મોત
આ પણ વાંચો: કાળજું કંપાવી દે તેવી ઘટના! 11 વર્ષના કિશોરના ખભેથી ઘૂસેલો લોખંડનો સળિયો મોઢામાંથી આરપાર
