Uttar Pradesh News: “માત્ર બજરંગીના ભક્તો જ બાબરના અનુયાયીઓને યોગ્ય જવાબ આપશે…” મેરઠમાં મુખ્યમંત્રી યોગી આદિત્યનાથના આ નિવેદને (Yogi Babur Followers Statement) રાજકીય ચર્ચા ગરમ કરી દીધી છે. સવાલ સીધો છે..યોગી જેને ‘બાબરના અનુયાયીઓ’ કહી રહ્યા છે, તેઓ કોણ છે? અને કોઈ રાજકીય વિરોધનો જવાબ આપવા માટે બજરંગીના ભક્તોનો (Bajrang Bali Devotees) જ ઉલ્લેખ કેમ?

Yogi Babur Followers Statement: યોગીના ‘બાબરના અનુયાયીઓ’ નિવેદનનો અર્થ શું? 

મેરઠના શક્તિ કેન્દ્ર સંમેલનમાં યોગીએ સમાજવાદી પાર્ટી, કોંગ્રેસ, બસપા અને ઈન્ડી ગઠબંધન પર પરિવારવાદ અને જાતિવાદના મુદ્દે પ્રહાર કર્યા. પરંતુ ભાષણનો સૌથી ચર્ચાસ્પદ ભાગ હતો રામ, બાબર અને બજરંગીના ભક્તોનો ઉલ્લેખ. યોગીએ કહ્યું કે કેટલાક લોકોને ભગવાન રામનું નામ લેવાથી એટલી જ ચીડ થાય છે જેટલી બાબરને થતી હતી, અને ત્યારબાદ કહ્યું કે બાબરના અનુયાયીઓને જવાબ બજરંગીના ભક્તો જ આપી શકે.

बाबर के अनुयायियों को जवाब केवल ‘बजरंगी’ के भक्त ही दे सकते हैं… pic.twitter.com/w8fDvilxsx

— Yogi Adityanath (@myogiadityanath) September 21, 2026

પરંતુ અહીં તેમના આ નિવેદનમાં તેમણે કોઈ ચોક્કસ વ્યક્તિ કે આખા સમુદાયનું નામ લઈને તેમને બાબરના અનુયાયી ગણાવ્યા નથી. એટલે હવે કોઈ ચોક્કસ સમુદાયને (Ram Babur Politics) યોગીના આ શબ્દ સાથે સીધો જોડવો એ નિવેદનથી આગળનું અર્થઘટન બની જશે. તો પછી આ નિવેદનનો રાજકીય સંદેશ શું છે? યોગીના ભાષણમાં સનાતન, ભગવાન રામ અને ઐતિહાસિક આક્રમણકારોના ઉલ્લેખને વર્તમાન રાજકીય વિરોધ સાથે જોડવામાં આવ્યો છે. એટલે આજનો મુખ્ય મુદ્દો માત્ર બાબરનું નામ નથી..મુદ્દો એ છે કે ઉત્તર પ્રદેશની રાજનીતિમાં ધાર્મિક અને ઐતિહાસિક પ્રતીકોને આજના રાજકીય સંઘર્ષ સાથે ફરી કેવી રીતે જોડવામાં આવી રહ્યા છે.

અને એટલે મેરઠના મંચ પરથી યોગીના શબ્દો પછી સવાલ વધુ મોટો બની જાય છે…‘બાબરના અનુયાયીઓ’ કોણ? તેનો જવાબ યોગીએ સ્પષ્ટ નામ સાથે આપ્યો નથી…પરંતુ ‘માત્ર બજરંગીના ભક્તો જ જવાબ આપશે’ કહીને તેમણે પોતાના રાજકીય સંદેશની દિશા ચોક્કસ બતાવી દીધી છે.

આ પણ વાંચો: મોંઘવારીનો માર! રસોડાના બજેટમાં કેમ પડી રહ્યો છે મોટો ખાડો?

આ પણ વાંચો: કચરાથી બનેલો ટાપુ અને ત્યાં વસે છે વન્યજીવો! સિંગાપોરે કેવી રીતે કરી કમાલ?

આ પણ વાંચો: શાહરુખ, અજય અને ટાઇગરને FDAની નોટિસ, એક અભિનેતા સામે કાર્યવાહી