Ahmedabad News: અમદાવાદની નિરમા યુનિવર્સિટીમાં ગર્લ્સ હોસ્ટેલ સામે બનેલી કથિત અશોભનીય ઘટનાને લઈને વિદ્યાર્થીઓમાં નારાજગી (Nirma University Protest) જોવા મળી રહી છે. વિદ્યાર્થીઓના જણાવ્યા મુજબ, ગર્લ્સ હોસ્ટેલની સામે બની રહેલા નવા બિલ્ડિંગમાં કામ કરતા એક શ્રમિક દ્વારા વિદ્યાર્થિનીઓ સામે અશોભનીય વર્તન કરવામાં આવ્યું હોવાની ફરિયાદ કરવામાં આવી હતી.
Nirma University Protest: ગર્લ્સ હોસ્ટેલ મામલે વિદ્યાર્થીઓમાં નારાજગી
આ મામલે યોગ્ય કાર્યવાહી ન થઈ હોવાનો આક્ષેપ કરતાં વિદ્યાર્થીઓએ (Nirma University Students) આજે 1 ઓક્ટોબરે ‘બ્લેક ડે’ તરીકે વિરોધ નોંધાવ્યો. મોટી સંખ્યામાં વિદ્યાર્થીઓ કાળા કપડાં પહેરીને કેમ્પસમાં પહોંચ્યા હતા અને હાથમાં પ્લેકાર્ડ લઈને પોતાની નારાજગી વ્યક્ત કરી હતી.
સોશિયલ મીડિયા પર પણ શરૂ થયું અભિયાન
વિદ્યાર્થીઓનો દાવો છે કે યુનિવર્સિટી કેમ્પસમાં સીધો વિરોધ (Black Day Protest) કરવો મુશ્કેલ લાગતાં સોશિયલ મીડિયા મારફતે અભિયાન શરૂ કરવામાં આવ્યું હતું. ઈન્સ્ટાગ્રામ સહિતના સોશિયલ મીડિયા પ્લેટફોર્મ પર વિદ્યાર્થીઓને એકત્ર થવા અને 1 ઓક્ટોબરે કાળા કપડાં પહેરીને વિરોધ નોંધાવવા અપીલ કરવામાં આવી હતી.
આ અપીલ બાદ આજે વિદ્યાર્થીઓએ કેમ્પસમાં એકઠા થઈને ઘટનાની નિંદા કરી હતી. વિરોધ દરમિયાન વિદ્યાર્થીઓ પ્લેકાર્ડ સાથે જોવા મળ્યા હતા.
વિદ્યાર્થિનીઓએ ફરિયાદ કરી હોવાનો દાવો
વિદ્યાર્થીઓના જણાવ્યા પ્રમાણે, ગર્લ્સ હોસ્ટેલના (Girls Hostel) H-4 બ્લોકમાં રહેતી વિદ્યાર્થિનીઓની સામે નવા બની રહેલા H-5 બ્લોકમાં કામ કરતા શ્રમિકના કથિત અશોભનીય વર્તન અંગે ફરિયાદ કરવામાં આવી હતી.વિદ્યાર્થિનીઓએ ઘટનાનો વીડિયો પણ યુનિવર્સિટી સમક્ષ રજૂ કર્યો હોવાનો દાવો કરવામાં આવ્યો છે. વિદ્યાર્થીઓના આક્ષેપ મુજબ, ફરિયાદ બાદ પણ સંતોષકારક કાર્યવાહી કરવામાં આવી નથી.
આ ઉપરાંત, એક ગાર્ડ દ્વારા વિદ્યાર્થિનીઓના કપડાં અંગે ટિપ્પણી કરવામાં આવી હોવાનો પણ વિદ્યાર્થીઓ દ્વારા આક્ષેપ કરવામાં આવ્યો છે. સમગ્ર મામલે યુનિવર્સિટી તરફથી સત્તાવાર રીતે શું કાર્યવાહી કરવામાં આવી છે તે અંગે સ્પષ્ટતા આવવાની બાકી છે.
હોસ્ટેલ પર નેટ લગાવાઈ, કાર્યવાહી અંગે સવાલ
વિદ્યાર્થીઓના જણાવ્યા મુજબ, ઘટનાની ફરિયાદ બાદ ગર્લ્સ હોસ્ટેલની બાજુમાં લીલા રંગની નેટ લગાવવામાં આવી હતી. વિદ્યાર્થીઓનો સવાલ છે કે માત્ર નેટ લગાવવાને બદલે ફરિયાદમાં ઉલ્લેખિત વર્તન અંગે જવાબદારી નક્કી કરવા અને યોગ્ય કાર્યવાહી કરવાની જરૂર છે.
કાળા કપડાં પહેરી વિદ્યાર્થીઓનો વિરોધ
આજે વિદ્યાર્થીઓએ કાળા કપડાં (Student Protest) પહેરીને કેમ્પસમાં વિરોધ (Nirma University Protest) નોંધાવ્યો હતો. પ્લેકાર્ડ સાથે મોટી સંખ્યામાં વિદ્યાર્થીઓ એકઠા થયા હતા. વિદ્યાર્થીઓનું કહેવું છે કે આ વિરોધનો હેતુ ઘટનાની નિંદા કરવો અને યુનિવર્સિટી તંત્ર સમક્ષ તેમની ફરિયાદને ગંભીરતાથી લેવા માટે રજૂઆત કરવાનો છે.
હાલ સમગ્ર મામલે યુનિવર્સિટી પ્રશાસન તરફથી સત્તાવાર નિવેદન અને કથિત ઘટનાની તપાસ અંગેની વિગતો સામે આવવાની બાકી છે. ફરિયાદમાં કરાયેલા આક્ષેપોની સ્વતંત્ર પુષ્ટિ પણ ઉપલબ્ધ નથી.
આ પણ વાંચો: અમદાવાદમાં નિરમા યુનિ. જોડે હિટ એન્ડ રનઃ દંપતીમાં પત્નીનું મોત
આ પણ વાંચો: Nirma University: વિદ્યાર્થી સાથે કથિત દુર્વ્યવહાર, NSUIનું કડક વલણ
આ પણ વાંચો: અમદાવાદમાં SG હાઇવે પર હિટ એન્ડ રન, યુવાનને અજાણ્યા વાહનચાલકે કચડ્યો
