New Delhi News : દિલ્હીના જંતર-મંતર (Jantar Mantar) ખાતે વિરોધ પ્રદર્શન દરમિયાન એક યુવતી અને પોલીસ વચ્ચેનો હાઈવોલ્ટેજ ડ્રામા ચર્ચામાં આવ્યો છે. પ્રદર્શન દરમિયાન યુવતીએ પોલીસ બસના ડ્રાઇવર પાસેથી ચાવી છીનવી (Police Bus Key)લીધી હતી. આ બસમાં અટકાયત કરાયેલા પ્રદર્શનકારીઓને લઈ જવામાં આવી રહ્યા હતા. ચાવી લઈને યુવતી ભીડમાં ભાગી જતાં પોલીસ કર્મચારીઓને બસ ખસેડવા માટે ધક્કો મારવાની ફરજ પડી હતી.
Jantar Mantar : પોલીસ બસની ચાવી લઈને યુવતી ફરાર
જંતર-મંતર (Jantar Mantar)પર ચાલી રહેલા વિરોધ દરમિયાન પોલીસ (Delhi Police)દ્વારા કેટલાક પ્રદર્શનકારીઓની અટકાયત કરવામાં આવી હતી. તેમને પોલીસ બસમાં બેસાડવામાં આવ્યા હતા. આ દરમિયાન એક યુવતી અચાનક બસના ડ્રાઇવર પાસે પહોંચી અને વાહનની ચાવી (Police Bus Key)લઈ લીધી હતી.
ચાવી મળતાં જ યુવતી બસથી દૂર થઈ ગઈ હતી. કેટલાક લોકો તેની પાછળ દોડતા પણ જોવા મળ્યા હતા. ચાવી ન હોવાથી બસ ચાલુ થઈ શકી નહોતી. ત્યારબાદ પોલીસ કર્મચારીઓએ બસને ધક્કો મારીને આગળ ખસેડવાનો પ્રયાસ કર્યો હતો.
વીડિયો સોશિયલ મીડિયા પર વાયરલ
આ સમગ્ર ઘટનાના વીડિયો સોશિયલ મીડિયા પર ઝડપથી વાયરલ (Jantar Mantar Viral Video)થયા છે. એક વીડિયોમાં યુવતી ચાવી લઈને દૂર જતી જોવા મળે છે, જ્યારે અન્ય વીડિયોમાં બસના ડ્રાઇવર ઘટનાની માહિતી આપતા નજરે પડે છે.
ચાવી વગર બસ શરૂ ન થતાં પોલીસ કર્મચારીઓ બસને ધક્કો મારતા જોવા મળ્યા હતા. ઘટનાના વીડિયો સામે આવ્યા બાદ સોશિયલ મીડિયા પર પણ તેની ચર્ચા શરૂ થઈ છે.
યુવતીના પગલાં પર બે મત
સોશિયલ મીડિયા પર આ ઘટનાને લઈને અલગ-અલગ પ્રતિક્રિયાઓ જોવા મળી રહી છે. કેટલાક યુઝર્સે અટકાયત કરાયેલા પ્રદર્શનકારીઓને છોડાવવાના પ્રયાસ તરીકે યુવતીના પગલાને જોયું છે.
બીજી તરફ, કેટલાક લોકોનું કહેવું છે કે પોલીસ (Delhi Police)વાહનની ચાવી છીનવી લેવી અને સરકારી વાહનનો રસ્તો રોકવો કાયદાકીય મુશ્કેલી ઊભી કરી શકે છે. જોકે, આ મામલે યુવતી સામે કોઈ કાયદાકીય કાર્યવાહી થઈ છે કે નહીં તેની સત્તાવાર માહિતી સ્પષ્ટ નથી.
જંતર-મંતર પર ઉગ્ર બન્યું પ્રદર્શન
આ ઘટના જંતર-મંતર (Jantar Mantar)ખાતે થયેલા ઉગ્ર વિરોધ પ્રદર્શન દરમિયાન બની હતી. મુખ્ય ચૂંટણી કમિશનર જ્ઞાનેશ કુમારના રાજીનામાની માંગ સાથે પ્રદર્શનકારીઓ એકત્ર થયા હતા. સ્થિતિ વણસતાં બેરિકેડ તોડવાનો અને અટકાયત કરાયેલા લોકોને લઈ જતી પોલીસ બસને રોકવાનો પ્રયાસ થયો હતો.
અહેવાલ મુજબ, સમગ્ર ઘટનામાં આશરે 15 પોલીસ કર્મચારીઓ ઈજાગ્રસ્ત થયા હતા, જ્યારે લગભગ 110 પ્રદર્શનકારીઓની અટકાયત કરવામાં આવી હતી. આ દરમિયાન યુવતી દ્વારા પોલીસ બસની ચાવી લઈ જવાની ઘટના પણ કેમેરામાં કેદ થઈ હતી.
