India News :ભારત અને અમેરિકા વચ્ચે લાંબા સમયથી ચાલી રહેલી દ્વિપક્ષીય વેપાર સોદા (India-US)ની વાટાઘાટો અત્યંત નિર્ણાયક અને મુશ્કેલ તબક્કામાં પહોંચી ગઈ છે. મ્યુનિક સુરક્ષા પરિષદમાં બોલતાં કેન્દ્રીય નાણામંત્રી નિર્મલા સીતારમણે (Nirmala Sitharaman)સ્પષ્ટ કહ્યું કે આ વાટાઘાટો એવા મુકામ પર આવી ગઈ છે જ્યાં બંને પક્ષો માટે હવે એકબીજાને નવી છૂટછાટો આપવી અથવા સ્વીકારવી લગભગ અશક્ય બની ગયું છે. ફેબ્રુઆરી 2025 માં વડાપ્રધાન નરેન્દ્ર મોદી (Narendra Modi)અને અમેરિકાના રાષ્ટ્રપતિ ડોનાલ્ડ ટ્રમ્પ (Donald Trump)વચ્ચેની મુલાકાત બાદ શરૂ થયેલી આ પ્રક્રિયામાં 2030 સુધીમાં 500 બિલિયન ડૉલરના વેપારનું મહત્વાકાંક્ષી લક્ષ્ય રાખવામાં આવ્યું હતું.
India-US કરાર માટે હજુ ભવિષ્ય દેખાઈ રહ્યું નથી
ફેબ્રુઆરી 2026 માં વચગાળાના કરારનું માળખું જાહેર થવા છતાં અને વાણિજ્ય પ્રધાન પીયૂષ ગોયલ (Piyush Goyal)ની તાજેતરની અમેરિકા મુલાકાત છતાં સોદો હજુ સુધી અંતિમ સ્વરૂપ પામી શક્યો નથી. યુએસ વેપાર પ્રતિનિધિ જેમીસન ગ્રીરે પણ સ્વીકાર્યું છે કે કરાર હજુ નજીકના ભવિષ્યમાં દેખાઈ રહ્યો નથી. વાટાઘાટોના કેન્દ્રમાં મુખ્યત્વે ઊંચા ટેરિફ, બજારમાં સરળ ઍક્સેસ અને બંને દેશો વચ્ચેનું વ્યાપારી અસંતુલન જેવા જટિલ મુદ્દાઓ રહેલા છે.
નાણામંત્રીએ ટેરિફ વધારા સામે પણ ઉઠાવ્યા સવાલ
નાણામંત્રીએ અમેરિકા દ્વારા વેપાર ખાધ ઘટાડવાના હેતુથી લાદવામાં આવતા સતત ટેરિફ વધારા સામે સવાલ ઉઠાવ્યા હતા. તેમણે ઉદાહરણ આપતા સમજાવ્યું કે ચીન સાથે ભારતની વેપાર ખાધ મોટી હોવા છતાં, આવા આર્થિક પ્રશ્નો માત્ર ભારે જકાત લાદવાથી ઉકેલાતા નથી, પરંતુ તેના માટે રચનાત્મક સંવાદ અને પરસ્પર લેવડદેવડ અનિવાર્ય છે. વર્તમાન પરિસ્થિતિ દર્શાવે છે કે બંને દેશો પોતપોતાના રાષ્ટ્રીય હિતોને સર્વોપરી રાખીને વાટાઘાટો કરી રહ્યા છે, જેના કારણે અંતિમ કરાર પર પહોંચવા માટે હજુ વધુ વ્યાપક ચર્ચા અને સમયની જરૂર પડશે.
આ પણ વાંચો:ભારત અને અમેરિકા વચ્ચેના તણાવ વચ્ચે મોદી-ટ્રમ્પ મુલાકાતની સંભાવના
આ પણ વાંચો:ભારત અને અમેરિકા વચ્ચેના વચગાળાના વેપાર કરારને આગામી 48 કલાકમાં અંતિમ સ્વરૂપ અપાય તેવી શક્યતા
આ પણ વાંચો:48 કલાકમાં મોટી જાહેરાત… ભારત અને અમેરિકા વચ્ચે વેપાર કરાર પર લાગશે મહોર
