Surat News : સુરતના માન દરવાજા (Maan Darwaja)વિસ્તારમાં મંદિરના ડિમોલિશન (Temple Demolition)ને લઈને આજે તંગ પરિસ્થિતિ સર્જાઈ હતી. સુરત મહાનગરપાલિકા (Surat Municipal Corporation)ની ટીમ દબાણ હટાવવાની કામગીરી માટે પહોંચી હતી. દરમિયાન મંદિરને દૂર કરવાની કાર્યવાહી શરૂ થવાની જાણ થતાં સ્થાનિક રહીશો મોટી સંખ્યામાં એકઠા થઈ ગયા હતા.
Surat મંદિર ડિમોલિશન સામે સ્થાનિકોનો વિરોધ
માન દરવાજા વિસ્તારમાં સુરત મહાનગરપાલિકા (Surat Municipal Corporation)ની ટીમ દ્વારા દબાણ હટાવવાની કામગીરી હાથ ધરવામાં આવી હતી. આ દરમિયાન વિસ્તારમાં આવેલા મંદિરને પણ ડિમોલિશન કરવાની કાર્યવાહી હાથ ધરવામાં આવતાં સ્થાનિકોમાં રોષ ફેલાયો હતો. મોટી સંખ્યામાં લોકો રસ્તા પર આવી પાલિકાની કામગીરીનો વિરોધ કરવા લાગ્યા હતા.
ઉશ્કેરાયેલા ટોળાએ પાલિકા ટીમને ઘેરી
મંદિરના ડિમોલિશન ((Temple Demolition))નો વિરોધ કરી રહેલા સ્થાનિકોએ પાલિકાના અધિકારીઓ અને કર્મચારીઓને ઘેરી લીધા હતા. ટોળું ઉશ્કેરાતા સ્થળ પર ઘર્ષણની સ્થિતિ ઊભી થઈ હતી. જેના કારણે થોડા સમય માટે વિસ્તારમાં વાતાવરણ તંગ બની ગયું હતું.
પોલીસ કાફલો ઘટનાસ્થળે પહોંચ્યો
પરિસ્થિતિ વધુ વણસે નહીં તે માટે પાલિકાના અધિકારીઓએ પોલીસની મદદ માગી હતી. જાણ થતાં પોલીસ કાફલો તાત્કાલિક ઘટનાસ્થળે પહોંચ્યો હતો. પોલીસે સ્થાનિકોને સમજાવીને મામલો શાંત પાડવાનો પ્રયાસ કર્યો હતો.
સમજાવટ બાદ સ્થિતિ કાબૂમાં
પોલીસની દરમિયાનગીરી બાદ ટોળાને સમજાવવામાં આવ્યું હતું અને પરિસ્થિતિ ધીમે ધીમે નિયંત્રણમાં આવી હતી. મંદિરના ડિમોલિશનને લઈને સ્થાનિકોમાં હજુ પણ નારાજગી જોવા મળી રહી છે. સમગ્ર ઘટનાને પગલે માન દરવાજા વિસ્તારમાં થોડા સમય માટે તંગ માહોલ જોવા મળ્યો હતો.
