Himmatnagar News: સાબરકાંઠાના હિંમતનગરમાં વિજયાદશમી (Himmatnagar Dussehra) પર્વની ભવ્ય અને ઉત્સાહભેર ઉજવણી કરવામાં આવી હતી. ભગવાન શ્રીરામના જયઘોષ અને ‘જય શ્રીરામ’ના નાદથી શહેરના માર્ગો ગુંજી ઊઠ્યા હતા. ભવ્ય શોભાયાત્રા, પરંપરાગત શસ્ત્રકળાનાં પ્રદર્શન અને 35 ફૂટ ઊંચા રાવણના પૂતળાના દહન સાથે સમગ્ર શહેરમાં ઉત્સવનો માહોલ (Vijayadashami Celebration) જોવા મળ્યો હતો.

Himmatnagar Dussehra: ભવ્ય શોભાયાત્રામાં મોટી સંખ્યામાં લોકો જોડાયા

વિજયાદશમીના પર્વે હિંમતનગરમાં ભક્તિ, શક્તિ અને શૌર્યનો અનોખો સંગમ જોવા મળ્યો હતો. શહેરમાં આયોજિત શોભાયાત્રામાં મોટી સંખ્યામાં લોકો જોડાયા હતા. ભગવાન શ્રીરામના જયઘોષ સાથે નીકળેલી આ શોભાયાત્રાએ શહેરમાં દશેરાના ઉત્સાહને વધુ વધાર્યો હતો.

યુવતીઓની તલવારબાજીએ ખેંચ્યું ધ્યાન

શોભાયાત્રામાં વિવિધ હિન્દુ સંગઠનોના કાર્યકરોએ પરંપરાગત શસ્ત્રકળાનું પ્રદર્શન કર્યું હતું. આ દરમિયાન વિશ્વ હિન્દુ પરિષદની યુવતીઓએ હાથમાં તલવાર લઈને તલવારબાજીનું કૌશલ્ય રજૂ કર્યું હતું. યુવતીઓના આ પ્રદર્શને ઉપસ્થિત લોકોનું ધ્યાન ખેંચ્યું હતું અને શોભાયાત્રામાં શૌર્યનો રંગ ઉમેર્યો હતો.

હાથમતી નદીના પટમાં 35 ફૂટના રાવણનું દહન

દશેરાની ઉજવણીના અંતિમ તબક્કામાં હાથમતી નદીના પટમાં 35 ફૂટ ઊંચા રાવણના પૂતળાનું ( 35 Feet Ravan Dahan) દહન કરવામાં આવ્યું હતું. આ પ્રસંગને નિહાળવા માટે મોટી સંખ્યામાં શહેરીજનો ઉમટી પડ્યા હતા.

રાવણ દહન સાથે યોજાયેલી ભવ્ય આતશબાજીએ સમગ્ર વાતાવરણને ઉત્સવમય બનાવી દીધું હતું. રંગબેરંગી આતશબાજી અને લોકોના ઉત્સાહ વચ્ચે દશેરાની ઉજવણી યાદગાર બની હતી.

અસત્ય પર સત્યના વિજયનો સંદેશ

હિંમતનગરમાં ભવ્ય શોભાયાત્રા, શસ્ત્રકળાનું પ્રદર્શન, યુવતીઓની તલવારબાજી અને રાવણ દહન સાથે વિજયાદશમી પર્વની ઉત્સાહભેર ઉજવણી કરવામાં આવી હતી. આ ઉજવણી દ્વારા અસત્ય પર સત્ય અને અધર્મ પર ધર્મના વિજયનો સંદેશ આપવામાં આવ્યો હતો.

@દીપકસિંહ રાઠોડ

આ પણ વાંચો: આજે દશેરાના પાવન પર્વ પર પૂજા વિધિ, શુભ મુહૂર્ત અને રાવણદહનનો સમય જાણો…

આ પણ વાંચો: દશેરાના પર્વે સાબરકાંઠા પોલીસનો સંકલ્પ, જનતાની સુરક્ષા માટે હંમેશાં તત્પર

આ પણ વાંચો: દશેરા પહેલાં સુરતમાં ફાફડા અને જલેબી મોંઘા થયા, તેલ અને કારીગરોનો ખર્ચ પણ વધ્યો