Ahmedabad News: CNG ભાવવધારોની માહિતી અમદાવાદમાંથી સામે આવી છે. મળતી વિગતો પ્રમાણે, ગેસનો ભાવ પ્રતિ કિલો રૂ. 94.02 હતો, જે હવે વધીને રૂ. 98.47 થયાનું જણાવાયું છે. આ રીતે પ્રતિ કિલોએ રૂ. 4.45નો વધારો થાય છે.
અમદાવાદમાં CNG ભાવવધારો બાદનો નવો દર
અદાણી સીએનજીનો ભાવ અગાઉ પ્રતિ કિલો રૂ. 94.02 હતો અને હવે તે સીધો રૂ. 98.47 થયો હોવાનું કહેવાય છે. ટકાવારીની રીતે જોઈએ તો આ વધારો આશરે 4.73 ટકા જેટલો છે.
અમદાવાદસીએનજી ભાવ (Ahmedabad CNG price)માં થયેલા આ ફેરફાર વચ્ચે પેટ્રોલ અને ડીઝલના ભાવ હાલમાં સ્થિર છે. ત્યારે CNG ગેસનો નવો ભાવ (new CNG gas price) વાહનચાલકોમાં ચર્ચાનો વિષય બન્યો છે. વાહનચાલકોનું આર્થિક ગણિત બદલાઈ શકે તેવી શક્યતા પણ છે.
રિક્ષાચાલકો પર ભાવવધારોની અસર
ગેસના ભાવવધારાની સૌથી વધુ અસર રોજિંદી કમાણી પર નિર્ભર ઓટોરિક્ષાચાલકોને થવાની શક્યતા છે. અમદાવાદના અનેક રિક્ષાચાલકોના જણાવ્યા મુજબ, હાલમાં પૂરતા પ્રમાણમાં ભાડાં મળતાં નથી. તેમાં સીએનજી મોંઘો થતાં તેમની દૈનિક બચત ઘટી રહી છે.
રિક્ષાચાલકોની વ્યથા
રિક્ષાચાલકોએ પોતાની મુશ્કેલી જણાવતાં કહ્યું છે કે એક તરફ પૂરતું ભાડું મળતું નથી અને બીજી તરફ ગેસના ભાવ સતત વધતા જાય છે. આવી સ્થિતિમાં વાહનની જાળવણી, અન્ય રોજિંદા ખર્ચ અને પરિવારના ભરણપોષણ વચ્ચે સંતુલન જાળવવું મુશ્કેલ બની રહ્યું છે.
આ પણ વાંચો :વાહનચાલકોને મોટો ઝટકો! CNG ના ભાવમાં મોટો વધારો, જાણો નવા ભાવ
આ પણ વાંચો: રાજકોટમાં રિક્ષા ભાડા વધારવાની માંગ; સીએનજી મોંઘો થતા અને રેપિડો સામે રિક્ષાચાલકો આક્રમક
આ પણ વાંચો: કારમાં બહારથી સીએનજી કિટ લગાવતા પહેલાં સાવધાન! RTO અને ઈન્શ્યોરન્સ સંબંધિત આ ભૂલ પડી શકે છે ભારે
