Rajasthan News: રાજસ્થાનમાં (IAS Shikhar Agrawal ) સાથે જોડાયેલા 40 કૉટેજ અને વિલા ખરીદીના મામલે સરકાર દ્વારા મોટો નિર્ણય લેવામાં આવ્યો છે. છેલ્લા લગભગ અઢી વર્ષમાં એક જ કંપની પાસેથી પરિવારના સભ્યો દ્વારા 40 કૉટેજ અને વિલા ખરીદવાના મામલે વિવાદમાં આવેલા IAS શિખર અગ્રવાલને સરકારે મોડી રાત્રે તમામ મહત્વના પદોથી હટાવીને APO કરી દીધા છે. આ મામલો સામે આવ્યા બાદ રાજસ્થાનના વહીવટી અને રાજકીય વર્તુળોમાં પણ ચર્ચા તેજ બની છે.
IAS શિખર અગ્રવાલ કયા મહત્વના પદો પર હતા?
IAS Shikhar Agrawal રાજસ્થાન સરકારમાં અનેક મહત્વની જવાબદારીઓ સંભાળી રહ્યા હતા. તેઓ ઉદ્યોગ વિભાગ અને માઇક્રો, સ્મોલ એન્ડ મિડિયમ એન્ટરપ્રાઇઝિસ MSME વિભાગના એડિશનલ ચીફ સેક્રેટરી હતા.
આ ઉપરાંત તેઓ દિલ્હી-મુંબઈ ઇન્ડસ્ટ્રીયલ કોરિડોર સ્પેશિયલ એરિયા ડેવલપમેન્ટ ઓથોરિટી, RIICOના ચેરમેન અને રાજસ્થાન બ્યુરો ઑફ ઇન્વેસ્ટમેન્ટ પ્રમોશનના ચેરમેન તરીકે પણ જવાબદારી સંભાળી રહ્યા હતા.
કર્મચારીઓ વિભાગે મોડી રાત્રે આ અંગે આદેશ જાહેર કરીને તેમને આ તમામ જવાબદારીઓમાંથી દૂર કર્યા છે. 40 પ્રોપર્ટી ખરીદી અને ત્યારબાદ તે જ કંપનીને લીઝ પર આપવાના મામલામાં ઉઠેલા સવાલો વચ્ચે સરકારનું આ પગલું મહત્વનું માનવામાં આવી રહ્યું છે.
પરિવારના સભ્યોએ એક જ કંપની પાસેથી 40 પ્રોપર્ટી ખરીદી
આ સમગ્ર મામલાની શરૂઆત એક જ કંપની પાસેથી મોટી સંખ્યામાં પ્રોપર્ટી ખરીદવાના મુદ્દાથી થઈ છે. મળતી માહિતી મુજબ (IAS Shikhar Agrawal), તેમની (IPS) પત્ની પ્રશાખા માથુર, બંને પુત્રો તેમજ સાસુ-સસરાએ મળીને ગોયલ ફેશન્સ પ્રાઇવેટ લિમિટેડ પાસેથી કુલ 40 પ્રોપર્ટી ખરીદી હતી.
આ પ્રોપર્ટીમાં અલવર જિલ્લાના અજબગઢમાં 20 વિલા અને ઉદયપુરના બુઝડા વિસ્તારમાં 20 કૉટેજનો સમાવેશ થાય છે. આ તમામ 40 પ્રોપર્ટી ખરીદવા માટે કુલ આશરે 6.16 કરોડ રૂપિયા ખર્ચવામાં આવ્યા હતા.
આ ખરીદીમાં પરિવારના અલગ-અલગ સભ્યોના નામ સામેલ હોવાનું જણાવવામાં આવ્યું છે. આ કારણે જ સમગ્ર વ્યવહાર અંગે પારદર્શિતા અને નિયમોને લઈને અનેક સવાલો ઊભા થયા છે.
પ્રોપર્ટી ખરીદ્યા બાદ તે જ કંપનીને લીઝ પર આપી
આ કેસમાં સૌથી મહત્વની બાબત એ છે કે જે કંપની પાસેથી પરિવાર દ્વારા આ 40 વિલા અને કૉટેજ ખરીદવામાં આવ્યા હતા, તેને જ આ પ્રોપર્ટી બાદમાં લીઝ પર આપવામાં આવી હતી.
મળતી માહિતી પ્રમાણે બુઝડાના 20 કૉટેજ કંપનીને પ્રતિ કૉટેજ વાર્ષિક 4 લાખ રૂપિયાના ભાડે આપવામાં આવ્યા હતા. જ્યારે અજબગઢના 20 વિલા પ્રતિ વિલા વાર્ષિક 5 લાખ રૂપિયાના ભાડે લીઝ પર આપવામાં આવ્યા હતા.
આ રીતે તમામ 40 પ્રોપર્ટીમાંથી દર વર્ષે આશરે 1.80 કરોડ રૂપિયા લીઝની આવક થતી હોવાનું જણાવવામાં આવ્યું છે. પ્રોપર્ટી ખરીદનાર પરિવાર અને તેને ખરીદેલી કંપની વચ્ચે જ લીઝનો કરાર થવાને કારણે આ વ્યવહાર ચર્ચામાં આવ્યો છે.
અલવર-અજબગઢની પ્રોપર્ટી અંગે પણ સવાલ
આ મામલામાં પ્રોપર્ટી રિટર્નને લઈને પણ સવાલો ઉઠાવવામાં આવ્યા છે. અહેવાલ મુજબ અલવર અને અજબગઢમાં આવેલી વિલા પ્રોપર્ટીની વિગતો વાર્ષિક પ્રોપર્ટી રિટર્નમાં દર્શાવવામાં આવી નહોતી.
જોકે, (IAS Shikhar Agrawal )તરફથી એવો દાવો કરવામાં આવ્યો હતો કે તેમની તરફથી પ્રોપર્ટી અંગેની સંપૂર્ણ માહિતી પ્રોપર્ટી રિટર્નમાં આપવામાં આવી હતી. પરંતુ સંબંધિત વિભાગના રેકોર્ડમાં તેની માહિતી અપડેટ થઈ ન હોવાનું તેમણે જણાવ્યું હતું.
આ મુદ્દો પણ સમગ્ર વિવાદમાં મહત્વપૂર્ણ બની રહ્યો છે, કારણ કે સરકારી અધિકારીઓ માટે સંપત્તિની વિગતો જાહેર કરવી અને તેની યોગ્ય રીતે નોંધ થવી પારદર્શિતાના દૃષ્ટિકોણથી મહત્વપૂર્ણ ગણાય છે.
પ્રોપર્ટી ખરીદીના દિવસે જ કંપનીને સરકારી પેકેજ
આ સમગ્ર મામલામાં વધુ એક મહત્વપૂર્ણ કડી માર્ચ 2026 સાથે જોડાયેલી છે. અહેવાલ મુજબ જે કંપની પાસેથી IAS Shikhar Agrawal અને તેમના પરિવાર સાથે જોડાયેલા સભ્યોએ અજબગઢના વિલા ખરીદ્યા હતા, તે વિલાની રજિસ્ટ્રી જે દિવસે થઈ હતી, તે જ દિવસે નાણાં વિભાગ દ્વારા કંપનીને રાજસ્થાન ઇન્વેસ્ટમેન્ટ પ્રમોશન સ્કીમ (RIPS) હેઠળ કસ્ટમાઇઝ્ડ પેકેજ આપવાના આદેશ જાહેર કરવામાં આવ્યા હતા.
આ કસ્ટમાઇઝ્ડ પેકેજ હેઠળ કંપનીને વિવિધ પ્રકારના લાભ મળવાના હતા. તેમાં અલગ-અલગ ટેક્સમાં છૂટ ઉપરાંત કર્મચારીઓના પગાર પર સબસિડી સહિતની જોગવાઈઓનો સમાવેશ થતો હોવાનું જણાવવામાં આવ્યું છે.
એક તરફ પરિવાર દ્વારા કંપની પાસેથી પ્રોપર્ટી ખરીદવામાં આવી અને બીજી તરફ તે જ સમયગાળામાં કંપનીને સરકારી નીતિ હેઠળ લાભ આપવાના આદેશ સામે આવતાં સમગ્ર મામલો વધુ ચર્ચાસ્પદ બન્યો છે.
સરકારના નિર્ણય બાદ તપાસ પર નજર
IAS Shikhar Agrawal ને તમામ મહત્વના પદોથી દૂર કરવાનો સરકારનો નિર્ણય હવે આ મામલાની આગળની પ્રક્રિયા અંગે ચર્ચા ઊભી કરી રહ્યો છે. APO બાદ આ પ્રોપર્ટી ખરીદી, લીઝ વ્યવસ્થા, પ્રોપર્ટી રિટર્ન અને કંપનીને આપવામાં આવેલા સરકારી લાભ વચ્ચે કોઈ નિયમભંગ થયો છે કે નહીં તે અંગે તપાસ મહત્વની બની શકે છે.
હાલમાં સામે આવેલા આરોપો અને દાવાઓના આધારે સમગ્ર મામલો ચર્ચામાં છે. પ્રોપર્ટી ખરીદીના દસ્તાવેજો, લીઝ કરાર, પ્રોપર્ટી રિટર્ન અને સરકારી પેકેજ સાથે જોડાયેલા રેકોર્ડની તપાસ બાદ જ સમગ્ર વ્યવહાર અંગે વધુ સ્પષ્ટતા થઈ શકે છે.
સરકારના આ નિર્ણયથી સ્પષ્ટ છે કે મામલો ગંભીરતાથી લેવામાં આવ્યો છે. હવે આગળની કાર્યવાહી અને તપાસમાં શું વિગતો સામે આવે છે તેના પર સૌની નજર રહેશે.
