Gujarat News: ઉત્તરાખંડના ઉત્તરકાશીમાં ગંગનાની નજીક ગુરુવારે સવારે ભયાનક માર્ગ અકસ્માત(Uttarkashi Accident) થયો હતો. ડબરાની તરફ જઈ રહેલી ‘ઈનોવા’ કાર પરથી ચાલકે નિયંત્રણ ગુમાવતા તે સીધી નદીમાં જઈ પડી હતી. અકસ્માત સમયે વાહનમાં સાત મુસાફરો સવાર હતા. દુર્ઘટનામાં ચાર લોકોનાં મૃત્યુ થયાં છે, જ્યારે એક વ્યક્તિ ગંભીર રીતે ઘાયલ છે. ઈજાગ્રસ્તોને મદદ પહોંચાડવા માટે બચાવ કામગીરી ચાલુ છે.
Uttarkashi Accident: ઉત્તરકાશીમાં કાર નદીમાં ખાબકી
આ ઘટના સવારે લગભગ 6:37 વાગ્યે બની હોવાનું મનાય છે. વધુ ઝડપને કારણે કાર રસ્તા પરથી ઉતરી ગઈ હતી અને ઊંડી ખીણમાં થઈને સીધી નદીમાં જઈ પડી હતી. ઈનોવા કાર અકસ્માત(Innova Car Accident)ને પગલે ઘટનાસ્થળે અફરાતફરી મચી ગઈ હતી. હાલ રાહત અને બચાવ ટીમો દ્વારા કામગીરી કરવામાં આવી રહી છે. અહેવાલો અનુસાર, ઈનોવા કારમાં સવાર તમામ મુસાફરો ગુજરાતના હતા અને તેઓ ગંગોત્રી ધામ(Gangotri Dham) જઈ રહ્યા હતા.
અકસ્માત કેવી રીતે થયો
મળતી માહિતી મુજબ, કાર ગુરુવારે સવારે ગંગોત્રી ધામ જવા માટે નીકળી હતી. ગંગનાની(Ganganani) બજારથી આગળ ડબરાની તરફ જતી વખતે કાર પરથી કાબૂ ગુમાવાઈ ગયો હતો. ક્ષણભરમાં જ વાહન રસ્તા પરથી નીચે ઊંડી ખીણમાં ખાબક્યું અને નદીમાં જઈ પડ્યું. ઉત્તરાખંડના માર્ગ અકસ્માત(Uttarakhand Road Accident) બાદ ઘટનાસ્થળે અને નદીના કિનારે હૃદયદ્રાવક દ્રશ્યો સર્જાયા હતા. ત્યારબાદ હાથ ધરવામાં આવેલા રાહત અને બચાવ કાર્ય દરમિયાન નદીના કિનારેથી મૃતદેહો મળી આવ્યા હતા.
મૃતકોની ઓળખ
મૃતકોની ઓળખ અશોકભાઈ પટેલ (49), તેમની પુત્રી રુતિકા પટેલ (19), ગુજરાતના ઘનશ્યામભાઈ સરવલિયા (32) અને હરિદ્વારના રહેવાસી ડ્રાઈવર સુરેન્દ્ર સિંહ તરીકે થઈ છે.
ઘાયલ અને ગુમ થયેલા લોકો
17 વર્ષીય વેદાંત અશોકભાઈ પટેલ ગંભીર રીતે ઘાયલ થયા છે. તેમને નદીમાંથી બહાર કાઢી રસ્તા સુધી લાવવામાં આવ્યા હતા, જ્યાંથી તેમને વધુ સારવાર માટે હેલિકોપ્ટર દ્વારા ખસેડવાની વ્યવસ્થા કરવામાં આવી રહી છે. અકસ્માત બાદ બે મહિલાઓ ગુમ છે. 45 વર્ષીય સુદાબેન અશોકભાઈ પટેલ અને 34 વર્ષીય કિરણબેન વિશાલભાઈ. આ બંને મહિલાઓ ગુજરાતની રહેવાસી હોવાનું જાણવા મળ્યું છે.
આ પણ વાંચો:ઉત્તરકાશીમાં ભૂકંપ, 4 દિવસમાં બીજી વાર ઉત્તરાખંડમાં આંચકા અનુભવાયા: રિક્ટર સ્કેલ પર 4.2 ની તીવ્રતા
આ પણ વાંચો:ચોમાસાને કારણે યુપી-દિલ્હીમાં ભારે વરસાદ,મુંબઈમાં ફરી અતિ ભારે વરસાદ, ઉત્તરકાશી વિનાશને આરે
આ પણ વાંચો:યુપી-બિહારમાં ભારે વરસાદની ચેતવણી; ઉત્તરકાશીમાં બચાવ કાર્ય ચાલુ
