Entertainment News: સાઉથ સિનેમાના સુપરસ્ટાર રજનીકાંતના ચાહકો માટે મોટા સમાચાર સામે આવ્યા છે. સિનેમાઘરોમાં જોરદાર સફળતા મેળવ્યા બાદ રજનીકાંતની મચ અવેઇટેડ ફિલ્મ ‘જેલર 2’ હવે (OTT) પ્લેટફોર્મ પર રિલીઝ થવા જઈ રહી છે. (Jailer 2 OTT Release) ની તારીખની સત્તાવાર જાહેરાત થઈ ગઈ છે. આ ફિલ્મ 12 નવેમ્બરથી પ્રાઇમ વીડિયો પર સ્ટ્રીમ થશે.
નેલ્સન દિલીપકુમારના નિર્દેશનમાં બનેલી આ એક્શન ડ્રામા ફિલ્મમાં રજનીકાંત ફરી એકવાર ટાઇગર મુથુવેલ પાંડિયનના લોકપ્રિય પાત્રમાં જોવા મળશે. ખાસ વાત એ છે કે ફિલ્મનું પ્રીમિયર ભારત ઉપરાંત વિશ્વના 240થી વધુ દેશો અને પ્રદેશોમાં કરવામાં આવશે. સિનેમાઘરોમાં ફિલ્મે ₹820 કરોડથી વધુની વૈશ્વિક કમાણી કરી છે.
12 નવેમ્બરથી OTT પર આવશે ‘જેલર 2’
પ્રાઇમ વીડિયોએ 5 નવેમ્બરે પોતાના સત્તાવાર સોશિયલ મીડિયા એકાઉન્ટ દ્વારા (Jailer 2 OTT Release) ગે માહિતી શેર કરી હતી. પોસ્ટમાં ટાઇગર મુથુવેલ પાંડિયનની વાપસીની જાહેરાત કરવામાં આવી હતી.
ફિલ્મ 12 નવેમ્બરથી સ્ટ્રીમિંગ માટે ઉપલબ્ધ થશે. દર્શકો તેને તમિલ, તેલુગુ, હિન્દી, મલયાલમ અને કન્નડ સહિત પાંચ ભાષાઓમાં જોઈ શકશે. એટલે કે સાઉથ ઉપરાંત હિન્દી ભાષી દર્શકો માટે પણ ફિલ્મ (OTT) પર સરળતાથી ઉપલબ્ધ રહેશે.
‘જેલર 2’ની પહેલી ફિલ્મ ‘જેલર’ પણ પ્રાઇમ વીડિયો પર ઉપલબ્ધ છે. આવી સ્થિતિમાં દર્શકો મુથુવેલ પાંડિયનની કહાનીના બંને ભાગને એક પછી એક જોઈ શકશે.
પરિવારની રક્ષા માટે ફરી એક્શન અવતારમાં રજનીકાંત
‘જેલર 2’ની કહાની પહેલી ફિલ્મની ઘટનાઓને આગળ વધારે છે. (Jailer 2 Story )માં રિટાયર્ડ જેલર મુથુવેલ પાંડિયન ફરી પોતાની જૂની દુનિયામાં પરત ફરતો જોવા મળશે.
આ વખતે એક શક્તિશાળી ક્રિમિનલ સિન્ડિકેટ તેના પરિવાર અને નજીકના લોકો માટે મોટો ખતરો બની જાય છે. પોતાના પરિવારને બચાવવા માટે મુથુવેલ પાંડિયન ફરી એકવાર ગુનેગારો સામે મોરચો સંભાળે છે.
જૂના દુશ્મનોની વાપસી અને નવા ગઠબંધનો વચ્ચે રજનીકાંતનું પાત્ર કઈ રીતે પરિસ્થિતિનો સામનો કરે છે તે Jailer 2 Story નું મુખ્ય આકર્ષણ છે. ફિલ્મમાં ધમાકેદાર એક્શન સાથે ઈમોશનલ ડ્રામાને પણ મહત્વ આપવામાં આવ્યું છે.
મોહનલાલ, રિતિક રોશન અને વિજય સેતુપતિના કેમિયો
‘જેલર 2’ની સૌથી મોટી ખાસિયતોમાં તેની સ્ટારકાસ્ટ પણ સામેલ છે. રજનીકાંત ઉપરાંત ફિલ્મમાં મોહનલાલ, રિતિક રોશન અને વિજય સેતુપતિ ખાસ ભૂમિકામાં જોવા મળે છે.
આ સિવાય એસ.જે. સૂર્યા, શિવરાજકુમાર, સૂરજ વેંજરામૂડુ, મિથુન ચક્રવર્તી, વિદ્યા બાલન, રમ્યા કૃષ્ણન, નામો નારાયણ અને યોગી બાબુ જેવા કલાકારો પણ મહત્વના પાત્રોમાં છે.
ફિલ્મનું નિર્દેશન નેલ્સન દિલીપકુમારે કર્યું છે. તેનું નિર્માણ કલાનિધિ મારને સન પિક્ચર્સના બેનર હેઠળ કર્યું છે. ફિલ્મનું સંગીત અનિરુદ્ધ રવિચંદરે આપ્યું છે.
નેલ્સન દિલીપકુમારે વ્યક્ત કરી ખુશી
ફિલ્મની OTT રિલીઝ અંગે નિર્દેશક નેલ્સન દિલીપકુમારે પણ ખુશી વ્યક્ત કરી છે. તેમણે જણાવ્યું કે પહેલી ‘જેલર’ને દર્શકો તરફથી ખૂબ જ શાનદાર પ્રતિસાદ મળ્યો હતો અને મુથુવેલ પાંડિયનના પાત્રને મળેલો પ્રેમ સમગ્ર ટીમ માટે ખાસ રહ્યો છે.
નેલ્સનના જણાવ્યા અનુસાર, ‘જેલર 2’ દ્વારા ટીમે દર્શકો સાથેના આ જોડાણને આગળ વધારવાનો પ્રયાસ કર્યો છે. ફિલ્મમાં કહાની, એક્શન, ભવ્યતા અને ભાવનાત્મક પાસાઓને નવા સ્તરે લઈ જવાનો પ્રયાસ કરવામાં આવ્યો છે.
રજનીકાંતની લોકપ્રિય ભૂમિકામાં વાપસી ઉપરાંત ફિલ્મની મજબૂત સ્ટારકાસ્ટ પણ તેને ખાસ બનાવે છે. અનિરુદ્ધ રવિચંદરનું સંગીત ફિલ્મને વધુ ઊર્જા આપતું હોવાનો પણ નિર્દેશકે ઉલ્લેખ કર્યો છે.
બોક્સ ઓફિસ પર ₹820 કરોડથી વધુની કમાણી
સિનેમાઘરોમાં શાનદાર પ્રદર્શન બાદ હવે (Jailer 2 OTT Release) ની રાહ દર્શકો લાંબા સમયથી જોઈ રહ્યા હતા. ફિલ્મે બોક્સ ઓફિસ પર પણ મોટો રેકોર્ડ બનાવ્યો છે.
સેકનિલ્કના આંકડા અનુસાર, રિલીઝના 22મા દિવસ સુધી ફિલ્મે ભારતમાં ₹545.30 કરોડનું ગ્રોસ કલેક્શન કર્યું હતું, જ્યારે તેનું નેટ કલેક્શન ₹466.22 કરોડ રહ્યું હતું. બીજી તરફ, ફિલ્મની વિશ્વભરની કમાણી ₹820 કરોડને પાર પહોંચી ગઈ છે.
આ શાનદાર કમાણી સાથે ‘જેલર 2’એ સૌથી વધુ કમાણી કરનારી તમિલ ફિલ્મોમાં પોતાનું સ્થાન મજબૂત કર્યું છે. હવે સિનેમાઘરો બાદ (OTT) પ્લેટફોર્મ પર ફિલ્મને કેવો પ્રતિસાદ મળે છે તેના પર સૌની નજર રહેશે.
240થી વધુ દેશોમાં થશે પ્રીમિયર
‘જેલર 2’નું (OTT) પ્રીમિયર માત્ર ભારતમાં જ નહીં પરંતુ વિશ્વના 240થી વધુ દેશો અને પ્રદેશોમાં થશે. આ કારણે રજનીકાંતના આંતરરાષ્ટ્રીય ચાહકો પણ ફિલ્મને પોતાની પસંદગીની ભાષામાં જોઈ શકશે.
12 નવેમ્બરથી પ્રાઇમ વીડિયો પર ફિલ્મ ઉપલબ્ધ થયા બાદ દર્શકોને એક્શન, ડ્રામા અને રજનીકાંતના સ્ટાઇલિશ અવતારનો ફરી એકવાર અનુભવ મળશે. ખાસ કરીને સિનેમાઘરોમાં ફિલ્મ ન જોઈ શકેલા દર્શકો માટે આ રિલીઝ મોટી તક બની રહેશે.
હવે ફિલ્મે બોક્સ ઓફિસ પર ₹820 કરોડથી વધુની કમાણી કર્યા બાદ પર પણ પોતાની સફળતા જાળવી રાખે છે કે નહીં તે જોવું રસપ્રદ રહેશે.
