Karnataka Belagavi School Teacher Arrested 2026: કર્ણાટકના(Karnataka) બેલગાવી (Belagavi) જિલ્લામાંથી ગુરુ અને શિષ્યના પવિત્ર સંબંધને કલંકિત કરતી એક અત્યંત ચોંકાવનારી અને શરમજનક ઘટના સામે આવી છે. અહીંની એક સરકારી ઉર્દૂ હાઇસ્કૂલમાં ધોરણ-10 માં ભણતી વિદ્યાર્થિનીઓને પરીક્ષામાં પાસ કરાવવાની લાલચ આપીને તેમની જાતીય સતામણી (Sexual Harassment) કરનારા એક કન્નડ શિક્ષક વિરુદ્ધ ભારે હોબાળો મચી ગયો છે. દીકરીઓ સાથે થયેલી આ ગંદી કરતૂતની જાણ થતાં જ ગુસ્સે ભરાયેલા વાલીઓએ શાળામાં ઘૂસીને નરાધમ શિક્ષકને બરાબરનો પાઠ ભણાવ્યો હતો અને તેની ક્રૂર ધોલાઈ કરી નાખી હતી. આ મામલે પોલીસે તાત્કાલિક એક્શન લઈને આરોપી શિક્ષકને જેલભેગો કર્યો છે.

પાસ કરાવવા માટે સેક્સ્યુઅલ ફેવર્સની માંગણી અને ધમકી(Karnataka)

આ ચોંકાવનારી ઘટના બેલગાવી જિલ્લાના ચિક્કોડી (Chikkodi) તાલુકામાં આવેલી સરકારી ઉર્દૂ હાઇસ્કૂલની છે. પ્રાપ્ત વિગતો અનુસાર:

શાળામાં કન્નડ (Karnataka) ભાષા ભણાવતા આ શિક્ષક પર આરોપ છે કે તે ધોરણ-10 ની વિદ્યાર્થિનીઓને કન્નડ વિષયની પરીક્ષામાં ફેઇલ કરી દેવાની ધમકી આપતો હતો. તે વિદ્યાર્થિનીઓને પાસ કરાવવાના વચનની લાલચ આપીને તેમની પાસે શારીરિક સંબંધો અને સેક્સ્યુઅલ ફેવર્સની (Sexual Favours) માંગણી કરતો હતો.

આ નરાધમ શિક્ષકની હેરાનગતિ સહન ન થતાં, અંતે ઓછામાં ઓછી 5 જેટલી સગીર વિદ્યાર્થિનીઓએ હિંમત ભેગી કરીને પોતાના પરિવારજનોને આખી આપવીતી જણાવી દીધી હતી.

શાળા પરિસરમાં જ હંગામો, વાલીઓએ કર્યો ભારે હુમલો

પોતાની માસૂમ દીકરીઓ સાથે સ્કૂલની અંદર જ આવી ગંદી હરકત થતી હોવાનું સાંભળીને વાલીઓનો પિત્તો ગયો હતો. લાલઘૂમ થયેલા અનેક વાલીઓ અને સ્થાનિક લોકોનો મોટો સમૂહ તાત્કાલિક શાળાએ પહોંચ્યો હતો. ત્યાં હાજર શિક્ષકો સાથે ઉગ્ર બોલાચાલી અને દલીલો થયા બાદ, ઉશ્કેરાયેલા વાલીઓએ આરોપી કન્નડ શિક્ષકને પકડી લીધો હતો અને આખી સ્કૂલની સામે જ તેને લાતો અને મુક્કાઓથી ક્રૂરતાપૂર્વક ઝૂડી નાખ્યો હતો.

શાળામાં કલાકો સુધી ભારે તણાવ અને અફરાતફરીનો માહોલ સર્જાયો હતો. આ ઘટનાની જાણ થતાં જ સ્થાનિક પોલીસ કાફલો તાત્કાલિક ઘટનાસ્થળે દોડી આવ્યો હતો. પોલીસે ગુસ્સે ભરાયેલા ટોળામાંથી શિક્ષકને કોઈક રીતે બચાવીને પોતાની કસ્ટડીમાં લીધો હતો. ચિક્કોડી પોલીસે આ મામલે વાલીઓની ફરિયાદના આધારે સગીર બાળકીઓની સુરક્ષા માટેના પોક્સો એક્ટ (POCSO Act) અને જાતીય સતામણીની કડક કલમો હેઠળ ગુનો નોંધીને આરોપી શિક્ષકની સત્તાવાર ધરપકડ કરી લીધી છે અને આગળની કાનૂની કાર્યવાહી હાથ ધરી છે.

આ પણ વાંચો:3 શિક્ષકોએ મળીને શૌચાલયમાં વિદ્યાર્થિનીની જાતિય સતામણી કરી, ત્રણેયની ધરપકડ

આ પણ વાંચો:જાણો કોણ છે ચૈતન્યાનંદ સરસ્વતી જેને કરી બધી હદો પાર, કર્યું વિદ્યાર્થિનીઓનું શોષણ

આ પણ વાંચો:મુબઈમાં બંદૂકની અણીએ મહિલા ઉદ્યોગપતિના કપડા ઉતાર્યા, ફાર્મા કંપનીના બોસ પર ગંભીર આક્ષેપ કર્યા