National News : જમ્મુ-કાશ્મીરમાં આતંકવાદ વિરુદ્ધ સુરક્ષા દળોને મોટી સફળતા મળી છે. કુલગામ જિલ્લામાં સુરક્ષા દળોએ લશ્કર-એ-તૈયબા (Lashkar-e-Taiba)ના કમાન્ડર લતીફ ભટને (Latif Bhat)એન્કાઉન્ટરમાં ઠાર (Kashmir Encounter)માર્યો છે. આ કાર્યવાહી બાદ કેન્દ્રીય ગૃહમંત્રી અમિત શાહે (Amit Shah)સુરક્ષા દળોની કામગીરીની પ્રશંસા કરી છે. તેમણે આ સફળતાને સુરક્ષા એજન્સીઓ વચ્ચેના ઉત્તમ સંકલનનું પરિણામ ગણાવ્યું છે.
કુલગામમાં એન્કાઉન્ટર, લશ્કરને મોટો ઝટકો
કુલગામમાં આતંકવાદીઓ વિરુદ્ધ હાથ ધરવામાં આવેલી કાર્યવાહીમાં સુરક્ષા દળોએ લતીફ ભટને (Latif Bhat)ઠાર માર્યો હતો. લતીફ ભટ ખીણમાં સક્રિય લશ્કર-એ-તૈયબાનો (Lashkar-e-Taiba)સ્થાનિક કમાન્ડર હતો. આ કાર્યવાહીને આતંકવાદ વિરુદ્ધ સુરક્ષા દળોની મોટી સફળતા તરીકે જોવામાં આવી રહી છે.

આ પહેલાં પણ સુરક્ષા દળોએ કુલગામમાં તેના સાથી આતંકવાદી ઉમર નિસારને ઠાર માર્યો હતો. સતત બે કાર્યવાહીમાં આતંકવાદીઓનો ખાતમો થતાં લશ્કર-એ-તૈયબાને મોટો ફટકો પડ્યો છે.
અમિત શાહે સુરક્ષા દળોની કામગીરીને બિરદાવી
ગૃહમંત્રી અમિત શાહે (Amit Shah)સોશિયલ મીડિયા પ્લેટફોર્મ X પર પોસ્ટ કરીને આ ઓપરેશનની વિગતો શેર કરી હતી. તેમણે જણાવ્યું કે જમ્મુ-કાશ્મીર પોલીસ, ભારતીય સેના (Indian Army), CRPF અને ગુપ્તચર એજન્સીઓએ સંકલન સાથે આ કાર્યવાહી પાર પાડી હતી.
અમિત શાહે પોતાની પોસ્ટમાં કહ્યું કે ખીણમાં લશ્કરનો છેલ્લો સક્રિય સ્થાનિક આતંકવાદી લતીફ ભટ વહેલી સવારે કુલગામમાં માર્યો ગયો છે. આ સાથે એક દિવસ પહેલાં તેનો સાથી ઉમર નિસાર પણ ઠાર થયો હતો.
પોલીસ, સેના અને CRPFના જવાનોને સલામ
અમિત શાહે સુરક્ષા દળો વચ્ચે જોવા મળેલા સંકલનની ખાસ પ્રશંસા કરી હતી. તેમણે કહ્યું કે સમગ્ર ઓપરેશન દરમિયાન તમામ સુરક્ષા એજન્સીઓ વચ્ચે ઉત્તમ તાલમેલ જોવા મળ્યો હતો.તેમણે દેશ વતી જમ્મુ-કાશ્મીર પોલીસ, ભારતીય સેના, CRPF અને ગુપ્તચર એજન્સીઓના બહાદુર જવાનોને સલામ કરી હતી. ગૃહમંત્રીના આ નિવેદન બાદ સુરક્ષા દળોની કામગીરી ફરી ચર્ચામાં આવી છે.
આતંકવાદ વિરુદ્ધ કાર્યવાહીથી લશ્કરને ફટકો
કુલગામમાં થયેલી આ બંને કાર્યવાહીને જમ્મુ-કાશ્મીરમાં આતંકવાદી નેટવર્ક સામે સુરક્ષા દળોની મહત્વપૂર્ણ સફળતા માનવામાં આવી રહી છે. લતીફ ભટ જેવા સ્થાનિક કમાન્ડરનો ખાતમો સુરક્ષા એજન્સીઓ માટે મોટી સિદ્ધિ છે.જોકે, ખીણમાં આતંકવાદી પ્રવૃત્તિઓને સંપૂર્ણપણે નાબૂદ કરવા માટે સુરક્ષા દળો અને ગુપ્તચર એજન્સીઓની સતત સતર્કતા મહત્વપૂર્ણ રહેશે.
