પંચમહાલ,
સલામત સવારી એસટી અમારીનું સૂત્ર સાવ ખાડે ગયું છે. કેમ કે એક એવો વિડીયો વાઇરલ થયો છે કે જે તમે જોઇને થોડીક ક્ષણો માટે ચોંકી ઉઠશો. પંચમહાલનો આ વિડીયો છે. જ્યાં એસટી બસની પાછળ એક મુસાફર લબડીને મુસાફરી કરી રહ્યો છે.
જીવના જોખમની આ મુસાફરી કરતો મુસાફર કેમ એસટી બસચાલક તેમજ કંડકટરને ન દેખાયો. શું આ ઘટનામાં બસચાલક અને કંડકટરે આંખ આડા કાન કર્યા છે. જો આંખ આડા કાન કર્યા હોય તો આ બન્ને સામે કાયદેસરની કાર્યવાહી કરવી જોઇએ તેવી લોકની માંગ ઉઠવા પામી છે.
જ્યારે આ બસ જાંબુઘોડા ગામમાં પ્રવેશી તે દરમિયાન કોઇએ આ વિડિયો ઉત્તારીને વાઇરલ કર્યો.જ્યારે એક કાર ચાલકે આ મુસાફરને જીવના જોખમે મુસાફરી કરતો જોયો કે તરત્તજ કારચાલકે સમયસૂચકતા વાપરી. જેથી અકસ્માત ટળ્યો.
ત્યારે હવે આ મામલે એસટીનું તંત્ર જવાબદાર સામે શું પગલા ભરેશે તે જોવાનું રહેશે. તો વળી એવા પણ સવાલ ઉભા થાય છે કે બસ સ્ટેન્ડ પર બસચાલકે બસ ન ઉભી રાખી.એટલા માટે મુસાફરને જીવના જોખમે મુસાફરી કરવી પડી કે પછી અન્ય જ કોઇ કારણ છે.
