ઈડી આજે બોલીવુડ અભિનેત્રી શિલ્પા શેટ્ટીના પતિ રાજ કુંદ્રાની અન્ડરવર્લ્ડ ડોન દાઉદ ઇબ્રાહિમ, ઇકબાલ મિર્ચી સાથેના સંબંધોને લઈને પૂછપરછ કરશે. રાજ કુંદ્રા મુંબઇમાં એન્ફોર્સમેન્ટ ડિરેક્ટોરેટની ઓફિસ પહોંચ્યા છે. આરોપ છે કે રાજ કુંદ્રાએ ઇકબાલ મિર્ચી સાથે વ્યવસાયિક સોદો કર્યો છે. જો કે રાજ કુંદ્રાએ આ આરોપોને સંપૂર્ણ રીતે નકારી ચુક્યા છે.
જણાવી દઈએ કે એન્ફોર્સમેન્ટ ડિરેક્ટોરેટે રીઅલ એસ્ટેટ કંપની આરકેડબલ્યુ ડેવલપર્સ પ્રાઈવેટ લિમિટેડના ખાતા ચકાસી લીધા હતા. આ સમય દરમિયાન, હોસ્પિટાલિટી લિમિટેડ કંપનીનું નામ પણ બહાર આવ્યું હતું. શિલ્પા શેટ્ટી આ કંપનીમાં ડિરેક્ટર છે.
રણજિત બિન્દ્રા આરકેડબ્લ્યુ ડેવલપર્સ પ્રાઈવેટ લિમિટેડ સાથે છે. ઈડી દ્વારા તેની ધરપકડ કરવામાં આવી છે. રણજિત બિન્દ્રા કથિત રીતે ઇકબાલ મિર્ચીના કહેવાથી ધંધો કરતો હતો અને મિર્ચીના સહયોગી હુમાયુ મર્ચન્ટ સાથેના સોદામાં મુખ્ય ભૂમિકા ભજવતો હતો.
જાણો શું છે મામલો….
આરકેડબ્લ્યુએ એસેન્શિયલ હોસ્પિટાલિટીમાં 44.11 કરોડનું રોકાણ કર્યું હતું અને તેમાં 31.54 કરોડ રૂપિયાની વ્યાજ મુક્ત લોન હતી. એપ્રિલ 2017 થી માર્ચ 2018 ની વચ્ચે, તેને ફાઇનાન્સિયલ હોસ્પિટાલિટીને 30.45 કરોડ રૂપિયા અને એપ્રિલ 2016 થી માર્ચ 2017 ની વચ્ચે 117.17 કરોડ રૂપિયાની લોન આપવામાં આવી હતી. રાજ કુંદ્રાએ પોતાની સ્પષ્ટતામાં કહ્યું છે કે તેમણે તેમની કંપનીમાં જે પણ ડીલ કર્યો છે તેની પહેલા પરીક્ષણ કરવામાં આવ્યું છે. કુંદ્રાએ કહ્યું કે તેમની સીએએ પ્રથમ સોદાની ચકાસણી કરી હતી ત્યારબાદ જ તેઓ આ ડીલ સાથે આગળ વધ્યા હતા.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
