ગુજરાતમાં સુરત પોલીસે સંગઠિત ક્રાઈમ કંટ્રોલ લો ગુજસિટોકહેઠળ ડઝનથી વધુ ગુનેગારો સામે ગુનો નોંધ્યો છે. જેમાં લાજપોર જેલમાં સુરત, ઉત્તર પ્રદેશ લખનઉની જેલમાં બંધ ગુનેગારોનો સમાવેશ થાય છે.

મુઝફ્ફર અલી આસિફ ટેમેટા ગેંગનો નેતા છે. સુરત ક્રાઈમ બ્રાંચે આસિફ ટેમેટા ગેંગ વિરુદ્ધ ગુજરાત નિયંત્રણ આતંકવાદ અને સંગઠિત ક્રાઇમ એક્ટ 2019 હેઠળ ગુનો નોંધ્યો છે અને બે આરોપીઓને ધરપકડ કરી છે. સુરત પોલીસ કમિશનર અજય તોમારે જણાવ્યું હતું કે આ ટોળકી પર હત્યા, લૂંટ, શસ્ત્ર કૃત્ય, ખંડણી, અપહરણ અને ધમકી આપવાના 36 કેસ છે.

મહત્વનું છે કે આ ગુનાઓ આચરવા માટે અન્ય સાગરીતો સાથે મળી એક સંગઠિત ગુના આચરતી ટોળકી બનાવી છે . આ ટોળકીનો મુખ્ય સૂત્રધાર મુજફફરઅલી ઉર્ફે આસીફ ટામેટાની ટોળકીના સાગરીતો દ્વારા સુરત શહેરમાં સલાબતપુરા, ડીંડોલી, લિંબાયત, ઉધના, ઉમરા, અડાજણ, ખટોદરા, પાંડેસરા, સચીન, ઇચ્છાપોર સહિતના પોલીસ સ્ટેશન વિસ્તારો ઉપરાંત ભરૂચ જીલ્લામાં દહેજ પોલીસ સ્ટેશન વિસ્તારમાં તેમજ ઉત્તરપ્રદેશના લખનઉ નાકાહીડોલા પોલીસ સ્ટેશન વિસ્તારમાં પોતાનું નેટવર્ક ઉભી કરી તમામ આરોપીઓએ સંગઠિત તથા વ્યકિતગત ગુનાઓ આચરેલા છે, જેથી તેમની સામે ગુજરાત કંટ્રોલ ઓફ ટેરેરીઝમ ઍન્ડ ઓર્ગેનાઈઝ કાઈમની અલગ અલગ કલમો હેઠળ ગુનો દાખલ કરી ચાર સાગરીતોની ધરપકડ કરવામાં આવી છે. મહત્વનું છે ટામેટા ગેંગ સામે 36 જેટલા ગુના નોંધાયા છે.

મુજફફરઅલી ઉર્ફે આસીફ ટામેટા જાફરખલી સૈયદ, મોયુદ્દીન ઉર્ફ મોયો બટકી શેખ, અકબરખાન ઉર્ફે લંગડો મનસુરખાન પઠાણ હાલ હત્યાના કેસમાં લાજપોર જેલમાં છે, ત્યાં જ અજગર ઉર્ફે અજુ ટામેટા જાફર અલી સૈયદ હાલ રાજકોટ સેન્ટ્રલ જેલ ખાતે પાસા અટકાયતમાં છે, જ્યારે યુસુફખાન ઈશરતખાન પઠાણ ઉત્તરપ્રદેશ લખનઉ જીલ્લામાં કમલેશ તિવારીની હત્યા કેસમાં જેલમાં છે. જ્યારે સરફરાજ સિંધા, અનુરાગસિંહ રાજપૂત અને સંદિપ ગુપ્તાની ધરપકડ કરવામાં આવી છે.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…